भांगरभूंय | प्रतिनिधी
पणजी : हवामान खात्यान मार्च, एप्रील आनी मे ह्या तीन म्हयन्यां खातीर हवामान अदमास जारी केला. ते प्रमाण वयल्या काळांत गोंयांत चडांत चड आनी उण्यांत उणें तापमान सरासरी परस अदीक आसपाची शक्यताय आसा. अशें आसलें तरीय गोंयांत उश्णतेच्या ल्हाराची शक्यता ना, अशें स्पश्ट केलां. वयल्या काळांत गोंयांत सरासरी इतलो वा ताचे परस मात्सो उणो पावस पडपाचीय शक्यताय उक्तायल्या.
शेनवारा पणजे चडांत चड 33.2 जाल्यार उण्यांत उणें 20.2 अंश सेल्सियस तापमानाची नोंद जाली. मुरगांवां चडांत चड तापमान 33.5 आनी उण्यांत उणें तापमान 20.2 अंश सेल्सियस आसलें. 1 ते 6 मार्च मेरेन गोंयांतलें चडांत चड तापमान 33 ते 35 अंश जाल्यार उण्यांत उणें तापमान 22 ते 23 अंश सेल्सियस मेरेन आसपाची शक्यताय आसा. वयल्या काळांत गोंयभरांतलें वातावरण सुकें आसपाची शक्यताय हवामान खात्यान उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
