भांगरभूंय | प्रतिनिधी
खबरां संस्था
विम्बल्डनः चेक प्रजासत्ताकाची 24 वर्सा पिरायेच्या मार्केटा वोंड्रेसोवान ग्रँडस्लॅम विम्बल्डन टॅनीस सर्तीच्या फायनलींत प्रवेश केलो. बायलाचे एकोडींत फायनलींत ताका ट्युनिशियाच्या आसो जेंबूरनाचें आव्हाम मोडून काडचे पडटलें. दुसरे सिडेड आर्यना सबालेंकाक हारोवन जेंबूरनान फायनलींत प्रवेश केलो.
मार्केटान सेमीफायनलींत युक्रेनाच्या एलिना स्वितोलिनाक हारयलें. बिनसिडेड मार्केटान एलिनाक 75 मिनटांच्या खेळांत 6-3, 6-3 अशें एकतर्फी जैत मेळयलें. आपल्या टॅनीस कारकिर्दींत मार्केटा पयलेच फावट विम्बल्डन फायलींत पावलां. संवसारीक क्रमवारींत पयले सुवातेर आशिल्ल्या इगा स्वातेकाक हारोवपी एलिनाक सर्तींतलें आपलें आव्हान जितें दवोरप शक्य जालें ना.
मार्केटान सुरवात आक्रमणान केली. कार्टोचेर ताचें पुराय वर्चस्व आशिल्ले. युक्रेनाच्या एलिनाक ताणे कसलीच संद दिली ना. मार्केटान पयलो सेट सहज जिखलो आनी तीच लय दुसऱ्या सेटात दवोरून फायनलींत प्रवेश केलो. क्रमवारींत दुसरे सुवातेर आशिल्ल्यान सबालेंकाक 2 वरा 19 मिनटां चलिल्ली मॅच जेंबूरान 6-7, 6-4, 6-3 अशी जिखून फायनलींत प्रवेश केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
