भांगरभूंय | प्रतिनिधी
भांगरभूंय । प्रतिनिधी
दिवचलः श्रीमती प्रभावती कडकडे (95) हिच्या ‘मायी’स गोवन डिलायट’ ह्या गोंयच्या रुचीक खावपाच्या जिनसाची रिसिपी आशिल्ल्या इंग्लिश पुस्तकाचें प्रकाशन दिवचलचो आमदार डॉ चंद्रकांत शेट्ये हांचे हस्तुकीं प्रकाशन जालें. लायन्स जिमखाना सभाघरांत आयोजीत केल्ले हे प्रकाशन कार्यावळीकआयएचसीएलाचे व्हिन्सेंट रामोस, प्रा आल्फोसो परेरा, डॉ शेखर साळकार, प्रा संजीव कडकडे, डॉ उमा काकोडे आनी आझाद कडकडे हाजीर आशिल्ले.
संजीव कडकडे हाणे आपल्या आवयच्या रांदपाच्या अणभवाची रुचीक शिदोरी पुस्तकाच्या रुपान शब्दबद्ध करून आवय विशींचो आपलो मोग दाखोवन दिला. हें पुस्तक रांदपाक शिकतल्यांक मार्गदर्शक थारतलें अशें डॉ शेट्ये हाणे सांगलें. रामोस तशेंच परेरे आनी डॉ साळकारान हांणी खावपाचे जिनस करपा खातीर हें पुस्तक सगल्यां खातीर म्हायतीचो खजिना आसा अशें सांगलें.
संजीव कडकडे हाणे सुरवेक सगल्यांक येवकार दिलो. डॉ उमा कोकोडेन आवयच्यो (मायी) जायत्यो यादी सांगल्यो. मानेस्तांचे हस्तुकीं पुस्तक प्रकाशन जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
