भांगरभूंय | प्रतिनिधी
लोकांक त्रास ः प्रशासनान लक्ष दिवपाची मागणी
मुरगांव ः मायमोळेंच्या कब्रस्ताना कडेन वचपी रस्त्याची फाटल्या कितल्याश्याच वर्सां सावन सामकी दशा जाल्या. ह्या रस्त्या कडेन सरकारान ताकतिकेन लक्ष दिवचें अशी लोकांची मागणी आसा.
मायमोळें कब्रस्ताना कडेन तशेंच हे सुवातेर आशिल्ल्या वाडेश्वर देवळांत वचपा खातीर आशिल्ल्या रस्त्याची सामकी चाळण जाल्या. लोकांक ह्या रस्त्या वयल्यान प्रवास करतना सामकें नाकाशेवट जाता. वडेश्वर देवळांत वतना भाविकांक आनी कब्रस्तानांत निमण्या संस्कार करपा खातीर वचपी लोकांक खूब त्रास सोंसचो पडटा. ते भायर फकीर गल्ली आनी सरभोंवतणच्या नवेवाडे, शांतीनगर आनी मायमोळें ह्या वाठारांतल्या लोकांची तशेंच श्री वडेश्वर मंदिरांत प्रार्थना करपा खातीर येवपी लोकांची खूब गैरसोय जाता.
ह्या रस्त्याचे दुर्दशेची सरकारान दखल घेवची आनी तो सारको करचो अशी लोकांची मागणी आसा. थळाव्या लोकप्रतिनिधीन हातूंत लक्ष घालचें अशीय मागणी लोकां कडल्यान जाता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
