भांगरभूंय | प्रतिनिधी
मडगांव, प्रतिनिधी: मायणा कुडटरेच्या पुलीस स्टेशन वाठारांत दोन वेगळ्या अपघातांनी दोगा जाणांक मरण आयलां. लोटलेच्या दोनचाकी अपघातांत नागराज वाडी (कुर्टी, फोंडें) हाका मरण आयलें. जाल्यार डोंगरी जंक्शन नुव्यां हांगा जाल्ल्या अपघातांत जुवांव बाप्तिस्ता आंतानिओ कुतिन्हो (माजोर्डा) हाका उपचारा वेळार मरण आयलें.
लोटले एकल्याक मरण
लोटलेच्या आग्नेल प्रायमरी स्कुला लागसारा बुलेटीच्या आप- अपघातांत फोंडें कुर्टीच्या नागराज वाडी हाका जाग्यारूच मरण आयलें. जाल्यार हे दोन चाकीच्या फाटल्यान बशिल्ल्या सादिक मोहम्मद अहिम (२२, रा. फोंडें) हो जखमी जालो.
हे विशीं मेळिल्ले चड म्हायती प्रमाण, दक्षीण गोंय जिल्हो हॉस्पिटलांतल्यान मायणा कुडतरी पुलिसांनी जखमी जाल्ल्या त्या दोगांकूय हॉस्पिटलांत दाखल केल्ले. ते प्रमाण मायणा कुडतरी पुलीस हॉस्पिटलांत पावले तेन्ना ह्या अपघातांतल्या एकल्याक मरण आयिल्ल्याचें समजलें. ह्या अपघातांत जखमी जल्ल्या सादिक मोहम्मद अहिम हांचे कडेन पुलिसांनी चवकशी केली तेन्ना लोटलेच्या आग्नेल प्रायमरी स्कुला लागसारा हो अपघात जाल्ल्याचें ताणें स्पश्ट केलें. तशेंच मरण आयिल्ल्याचें नांव नागराज वाडी आशिल्ल्याचेंय ताणें सांगलें.
मायणा, कुडतरी पुलिसांनी घडणुके सुवातेर वचून पंचनामो केलो. पोलिसांनी हें अपघात प्रकरण नोंद करून घेतलां. हाचो मायणा कुडतरी पुलीस उपनिरीक्षक प्रशांत भगत फुडलो तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
