भांगरभूंय | प्रतिनिधी
दर वर्सा 10 ऑक्टोबराक संवसारीक मानसीक भलायकी दीस मनयतात. ते विशीं विशेश लेख.
तुमची स्वताची मानसीक भलायकी सुदारप, ताचे भोंवतणी आशिल्लो कलंक सोंपोवप आनी संवसारीक मानसीक भलायकी दिसा कार्यावळी आनी निधी एकठांय करपाच्या माध्यमांतल्यान हेरांक आदार दिवप हाचेर लक्ष केंद्रीत करप गरजेचें आसा.
मानसीक भलायके कडेन झगडपी लोकांच्या प्रस्नां विशीं संवसारांतल्या सगळ्यांक चड जागृत करप हो प्रस्न सोडोवपाचो एक बरो उपाय. जितले चड लोकांक खबर आसता तितलेंच ताका आळाबंदा हाडपाक वा मदत घेवपाक मेळटली. संवसारीक मानसीक भलायकी दीस 1992 वर्सा संवसारीक मानसीक भलायकी संघटणेन सुरू केल्लो. कांय देशांनी मानसीक दुयेंसां विशीं जागृताय करपाच्या व्हडल्या सप्तकाचो हो फकत एक वांटो.
मानसीक भलायकेचे प्रस्न, उदासीनताय आनी चिंता विकार सारकिल्ल्या समस्यां सावन स्किझोफ्रेनिया वा द्विध्रुवी विकार सारकिल्ले परिस्थिती मेरेन संवसारभर लाखांनी लोकांक हें दुयेंस जातात. खरें म्हणल्यार कांय आंकडेवारी प्रमाण 4 लोकां मदल्या एका मनशाक जिणेंत कांय तरेची मानसीक भलायकेची समस्या येतली आनी जायत्या जाणांक इश्ट वा कुटुंबांतल्या वांगड्याक ताचो परिणाम जाल्लो दिसतलो, तरी इतली प्रचलीत आसून लेगीत मानसीक भलायकी ही आयज संवसारांतल्या भलायकेचो एक दुर्लक्षीत प्रकार थारला.
सद्या सुमार एक अब्ज लोक मानसीक भलायकेच्या विकारान जगतात आनी दर वर्सा लाखांनी लोकांक तांच्या मानसीक भलायकेच्या परिणामांक लागून मरण येता. पूण ह्या हुस्क्याचेर योग्य रितीन उपाय काडपाक जाय आशिल्ली जतनाय अजूनय जायत्या जाणांक मेळना. ती कशी घेवप हें खबर ना. मानसीक भलायकेच्या प्रस्नां विशीं जागृताय करप, विशयाचेर शिक्षण वाडोवप आनी ताचे कडेन आशिल्लो कलंक पयस करपाचो यत्न करप हो संवसारीक मानसीक भलायकी दिसाचो हेतू. हाका लागून परतून बळी पडपी लोकांक मदत आनी आदार घेवपाक प्रोत्साहन मेळटलें अशी आस्त आसा .
संवसारीक मानसीक भलायकी दिसा वांगडा वांटो घेयात! संवसारीक भलायकी संघटना (डब्ल्यूएचओ) संवसारीक मानसीक भलायकी दिसाक आदार दिता आनी मानसीक भलायकी आदारांत गुंतवणूक खूब वाडोवपाची संद म्हणून पळयता. देश आपल्या वर्सुकी भलायकी जतनाय अर्थसंकल्पांतले फकत 2% मानसीक भलायकेचेर खर्च करतात आनी तें पावना अशें डब्ल्यूएचओचें म्हणणें आसा. आतां वेळ आयला हो कलंक मोडपाचो, संघर्शाक वेंगावपाचो आनी मानसीक भलायकेंत चड स्थिर फुडाराची संद मेळोवपाची गुंतवणूक करपाचो. संवसारीक मानसीक भलायकी दीस सुरू करपाक एक बरो दीस!
मानसीक भलायकी बरी दवरात. अर्थांत, दरेक मानसीक दुयेंस आडावंक मेळना, पूण तातूंतलीं कांय दुयेंसां योग्य जतनाय आनी आदार दिल्यार बरे तरेन सांबाळू येतात वा आडावंक मेळटात. कुटुंब, इश्ट आनी समाजा वांगडा, लोक जेन्ना स्वताचे मानसीक भलायकेंत कांय वेळ आनी यत्न गुंतयतात तेन्ना बरे भलायकेन रावपाची चड शक्यताय आसता. मानसीक भलायकी सांबाळपा खातीर ह्यो कल्पना वापरून पळयात:
भावनां विशीं उलोवंक सुरवात करची. हाका वेळ आनी सुवात आसताना, उलोवपाक लागून मेंदवाक भावनांचेर प्रक्रिया करपाक मदत जावंक शकता. जाका लागून तीं एका वेळार थोडें -थोडें वेवस्थापन करूं येतात, जाका लागून वजें येवपाची भावना टाळपाक मदत जाता. एक विस्वासपात्र इश्ट वा मानसीक भलायकी वेवसायीक वा सल्लागार निवडात जो एक बरो आयकुपी म्हूण वावुरतलो. सक्रिय आनी फिट रावप. निरोगी कुडीक लागून निरोगी मन मेळटा हें खरें. खेळ, व्यायाम आनी कार्यावळींनी सक्रीय आसल्यार आत्मविस्वास, भलायकेक बरी न्हीद, चड बरी एकाग्रताय वाडोवपाक मदत जावंक शकता.
जोडिल्लें रावचें. समाजांत मिस्तुरात जावन जगपी लोकांक एकसुरेपण आनी मानसीक भलायकी इबाडपाचो धोको उणो आसता. इश्ट आनी कुटुंबां कडेन संवाद, मनांतल्या भावना उक्त्यो केल्यार बंधनां घटमूट करपाक आनी मानसीक भलायकेच्या संघर्शा आड संरक्षण घेवपाक मदत जावंक शकता. आनी संघर्शा सारकी स्थिती आसल्यार? एकटे रावचे परस समाजांत आपलें जिवीत जगपी लोकांक मदेकांत घालात, तातुन एकसुरेपण आनी मानसीक भलायकी इबाडपाचो धोको उणो आसता. इश्ट आनी कुटुंबां कडेन संवाद दवरल्यार बंधनां घटमूट करपाक आनी मानसीक भलायकेच्या संघर्शा आड संरक्षण दिवपाक मदत जावंक शकता. आनी तुमकां संघर्श आसल्यार? एकटे रावचे परस संवसारीक मानसीक भलायकी दिसाच्या कार्यावळींत वांटो घेयात, मानसीक भलायकेच्या विशयाचेर शिक्षण दिवपाक आनी आदार दिवपाक मदत करपा खातीर वेगवेगळ्यो कार्यावळी व्यक्तिगत आनी ऑनलायन घडोवन हाडतात
– बाळकृष्ण पी. मालवणकार
9922385510
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
