भांगरभूंय | प्रतिनिधी
मडगांव, प्रतिनिधीः फातोड्डेंतल्यान एके मानसीक दुयेंत तरणाटेचें अपहरण करून तिचेर कासावलींतल्या फ्लॅटांत सामुहीक बलात्कार करपाची घडणूक घडल्या. फातोड्डें पुलिसांनी आदिल अलगर, मुहंमद अली मुल्ला, शाहजाद शेख, विरेश आग्वादा, मुहंमद शेख (सगळे रावपी वास्को) ह्या पांच दुबावितांक अटक केल्या.
मेळिल्ले म्हायती प्रमाण, बिरेस्तारा रातीं फातोड्डें पुलिसांनी दुबावितांक ताब्यांत घेतले. वास्कोच्या तरणाट्यांनी फातोड्डेंतल्यान मानसीक दुयेंत तरणाटेचें अपहरण केलें. तिका जबरदस्तीन सांकवाळांतल्या फ्लॅटांत व्हेली. हाचे उपरांत दुबावित आदिल अलगर (१८), मोहम्मद अली मुल्ला (२२), शाहजाद शेख (१८), विरेश आग्वांदा (१८) आनी मोहम्मद शेख (१८) ह्या पांच जाणांनी तिचेर लैंगिक अत्याचार केलो. ह्या प्रकरणांत फातोड्डें पुलिसांनी बेगोबेग कारवाय केली. शुक्रारा सकाळ मेरेन चार दुबावितांक ताब्यांत घेवन चवकशी करून गुन्यांव नोंद केलो आनी तांकां अटक केली. उपरांत फातोड्डें पुलिसांनी ह्या प्रकरणांत संबंदीत पांचव्या दुबाविताकय अटक केली. सगल्या दुबावितांक कोठयेंत दवरपा खातीर न्यायालयांत हाजीर करतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
