भांगरभूंय | प्रतिनिधी
कोणूच जखमी ना, पूण चार गाडयांचें लुकसाण
भांगरभूंय । प्रतिनिधी
फोंडें : अपघाताची शक्यताय आशिल्ल्या मासवाडो कुंडय सोमारा सकाळीं परतून एकदां अपघात जालो. सुदैवान ह्या अपघातांत कोणूच जखमी जावंक ना.
मेळिल्ले म्हायती प्रमाण मानसवाडो कुंडय वाठारांत पणजेचे दिशेन वचपी एक बस आनी फोंडेंचे दिसेन येवपी दुसरी बस मानसवाड्यार प्रवाश्यांक घेवपा खातीर राविल्ल्यो. त्याच वेळार फाटले वटेंतल्यान एक काँक्रीट मिक्सर ट्रक वतालो. ह्या यत्नांत दोनूय बशींक ताचो धपको बसलो. ह्याच वेळर मुखा वयल्यान एक दुचाकी चालक लेगीत येतालो. अचकीत मुखा वयल्यान ट्रक येतना दिसताच ताणें उडी मारली. ना जाल्यार ताच्या जिवाचेर येवपाचें. ह्या अपघातांत कोणूच जखमी जावंक नासलो तरीय चारूय गाडयांचें लुकसाण जालें. अपघाताची म्हायती मेळटाच थळावे सरपंच सर्वेश जल्मी अपघाताचे सुवातेचेर गेले. ह्या संबंदांत तांणी सांगलें, ह्या वाठारांत सदांच ल्हान- व्हड अपघात जातात. अजून देवा दयेन ह्या अपघातांत जिवीतहानी जावंक ना. ह्या वाठारांत अपघात जातात, हेच खातीर आमी बायपासाची मागणी करतात, पूण त्या रस्त्याचें काम कांसवाचे गतीन चल्लां. सरकारान हालचाल करून बायपासाचें काम मार्गाक लावचें, जे वरवीं ह्या वाठारांत जावपी फुडारांतले अपघात आडावपाक मेळटले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
