भांगरभूंय | प्रतिनिधी
भांगरभूंय । प्रतिनिधी
मुरगांवः गोंयचो रापोणकारांचो एकवोट आनी गोंयचो एकवोट संघटने वतीन आदले पर्यटन मंत्री माथानी साल्ढाना हांची 74 वी जयंती मनयली. त्या निमतान कासावली मार्केट सर्कला कडेन आशिल्ल्या माथानी साल्ढाना हांच्या पुतळ्याक फुलां हार घालून तांकां आर्गां ओपलीं.
ह्या वेळा रापोणकारांचो एकवोटाचे सरचिटणीस ऑलेन्सियो सिमॉईश, आदले मंत्री आनी माथानी साल्ढाना हांची घरकान्न एलिना साल्ढाना, गोंयचो एकवोटाचे अॅरविल दौरादो आनी सर्गेस्त माथानी हांका मानपी लोक व्हडा संख्येन हाजीर आशिल्ले. माथानी हांचो गोंय आनी गोंयकारांचेर उपाट मोग आशिल्लो. तरणाट्यांनी तांचो आदर्श घेवचो अशें आवाहन सिमॉईश हांणी ह्या वेळार उलयतना केलें. माथानी साल्ढाना सारक्या फुडाऱ्याची गोंयांक सध्या सामकी गरज आसा, अशें तांणी सांगलें.
सर्गेंस माथानी आमकां सोडून गेल्यार एक दशक जालें. गोंय आनी देशांतले नुस्तेंमारी लोक तांका केन्नाच विसरचे नात. तांणी रांपणकाराच्या हिता खातीर 40 वर्सा झूज दिली. दोट्टी ट्रॅकींग, फायव्ह स्टार रिसॉर्ट, मेगा हावसिंग ह्या सारक्या प्रकल्पांक माथानी हांचो विरोध आसतालो. सध्या राज्याचे बुलडोझर फिरोवपाचें काम चल्लां, राज्य सरकारान लोकांच्या हिता आड आशिल्ले सगळे प्रकल्प रद्द करपाक जाय अशें रापोणकाराचो एकवोटाचो अध्यक्ष आग्नेलो रॉड्रिग्ज हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
