भांगरभूंय | प्रतिनिधी
शेतकाम करपाक आवडटा, पूण सुवात ना, ही रड सगल्यांचीच आसतात. थोडे फ्लॅटांनी रावतात. ताका लागून तांकां सुवात मेळना. चडश्यांनी जमनी विकल्यात. केरळांतली एक बायल आसा, जिणें जमनी बगर शेतकाम करपाचो उपक्रम चालीक लायला. आतां ती आॅलायन वर्ग घेवन हें तंत्र दुसऱ्यांक शिकयता. माती आनी जमनीचो प्रस्न जांकां सतायता, तांकां हो चमत्कार कसो दिसतलो. पूण हें खरें. जे मातयेंतल्यान झाडांक प्रथिनां मेळटात, तीं दुसऱ्या मार्गान दिवपाची तजवीज आमी हेर मार्गांनी केली जाल्यार? हाचेर भर दिवन केरळांतल्या डाॅ. सुशील हिणें संशोधन केलें आनी सगल्यां खातीर एक वेगळें तंत्र विकसीत केलें. मातये बगर शेतकाम. ही कला तिणें आपले पुरतीच गुपीत दवरली ना, तर आॅनलायन माध्यमांतल्यान ती तें सगल्यांक शिकयता.
जेवपाक मेळना त्या मनशाक दोतोर सलायन लायता, नाकांत पायप घालून अन्न दितात, तेच धर्तेर माती नासल्यार उदकाच्या माध्यमांतल्यान रोपाक अन्न दिवपाक मेळटा. जें- जें झाडाक मातयेंतल्यान मेळना तें उदकांतल्यान दिवं येता. हाा हायड्रो पॅनिक्स म्हणटात. हें तंत्र जांकां शेतकामाची आवड आसा, पूण सुवात ना, तांचे खातीर योग्य. तें वरदानूच म्हणू येता. ह्या तंज्ञान तुमी घरांत भाजी, फळां पिकोवं शकतात. बाजारांत वचपाचो वेळ येवचोना. ज्येश्ठ लोकांक तर हें तंत्र फायद्याचें थारुं येता. जें उदक आमकां नाका, तें लेगीत तुमी वापरूंक शकतात.
लोक गांव सोडून शारांत रावपाक गेलो. सुवातेक भांगराचो दर येवपाक लागलो. इल्लेशे सुवातीचो लाव घेवन पिकावळ काडपाक जाता, हाचेर जायते जाण संशोधन करपाक लागले. हाचोय एक भाग म्हणल्यार डाॅ. सुशिला हांणी मातयेविणे फुलयिल्ली शेती. हें हायड्रोप्रोनिक तंत्र जयपूरच्या निमस विद्यापीठान विकसीत केलां. तांचे कडेनूय म्हायती मेळूं येता. ह्या तंत्रान पीव्हीसी पायपान रोंपां लायतात. वयले वटेन बारीक बुराक आसता. तातूंत रोपें लायतात. पायपांत उदक आसता. ल्हान रोप्यांक हें तंत्र फायद्याचें. गाजर, सिमला मिरची, अणस, टोमाट, भेंडे सारकीं फळां तुमी पिकोवपाक शकतात. केरळाच्या शेतकी विद्यापीठान डाॅ. सुशिला कारताली, आतां निवृत्त जाल्या. थंयच काम करपी कांय जाण जेन्ना निवृत्त जाले तेन्ना ते तिचे कडेन आयले. आमकां अशें काम दी तातूंत आमी घुस्पून उरतले, अशें तांणी सांगलें. डाॅ. सुशिलान तें मनार घेतलें. तिणें हें तंत्र तांकां शिकयलें.
चापोली, साळावली, अंजुणें, आमठाणें धरणांत उदक आसलें तरी कांय वाठारांत तें उणें पडटा. आतां तर बांयों वचून दरेकल्याच्या घरांत (कांय आडवाद सोडले तर) नळाचें उदक पावलां. मनांत आसून लेगीन आमी शेती करपाक शकनात. नळाचें उदक मर्यादीत प्रमाणांत वापरलें. पावसाचें फुकट वचपी उदक सांठोवन दवरलें जाल्यार ताचो वापर बऱ्याच कामां खातीर जाता. ताका लागून आमी उदकाचें वेवस्थापन करपाक जाय. हायड्रो पोनिक्स तंत्रान ट्रेंत आमी उदक सांठोवन तें वपरूं शकतात. जंय उदक ना, थंय तुमी हाचो वापर करूंक शकता. उदक नाशिल्ल्यान गोरवां सारकें जनावर पोसपाक कठीण जाता.
सुकण्यां खातीर आमी हें उदक सांठोवन दवरुंक
शकतात. पूण आमी स्वताक जाय तितली भाजी, फळां पिकोवपाक शकतात, अशें डाॅ. सुशिला म्हणटात. तांचे कडेन 90370 33547 ह्या क्रमांकाचेर संपर्क करून गोंय भाजये बाबतींत स्वयंपूर्ण करपाचो यत्न करचो.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
