भांगरभूंय | प्रतिनिधी
भांगरभूंय । प्रतिनिधी
वाळपयः वांतेचो नवचेतना बचत पंगडान आदिवासी कल्याण खात्याचे येवजणे खाला थतवडा हांगा माडाच्या चुडटां पसून वेगवेगळ्यो कला वस्तू तयार करपाचें प्रशिक्षण दिवपाची कार्यशाळा जाली. पर्यावरण मोगी सूर्यकांत गांवकार हाणे वस्तू तयार करपाची प्रात्यक्षिकां करून दाखयलीं.
गिमाळ्यांत आपल्या घरांत थंडपणा तयार करपा खातीर चुडटां सामकी उपेगी आसात. पर्यावरणीय देखावे तयार करपा खातीर चुडटांचो हालिसाराक व्हडा प्रमाणांत उपेग जाता. पर्यारवणीय कार्यशाळांच्या माध्यमांतल्यान मनश्यांनी सैमाच्या लागीं वचपाची गरज आसा. नवचेतना आप मजत पंगडान अशे तरेचो उपक्रम आयोजीत करून सैमाची आनी पर्यावरणाची राखण करपाचें काम केलां अशें गांवकारान सांगलें.
वांते हांगच्या समाज मंदिरांत हे कार्यशाळेचें आयोजन केल्लें. ह्या वेळाप आप मजत पंगडाची अध्यक्ष प्रतिमा शिवडेकार, सचीव संजना गावडे हाजीर आशिल्ली. कार्यशाळा आयोजना फाटलो हेत स्पश्ट करतना आमचे संस्थेन पर्यावरण मळार काम चलयलां, लोकां मदी जाग्रुती जावची हे खातीर आमी वावुरतात अशें शिवडेकारान सांगलें. कार्यशाळा उक्तावण कार्यावळीचें सूत्रसंचालन संजना गावडेन केलें.
————————————————————————-
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
