भांगरभूंय | प्रतिनिधी
मडगांव : माजोड्डेंचे दर्यादेगेवेल्या शॅकांनी दर्याचें उदक भितर सरलें. रांदचे कुडी मेरेन हें उदक पावलें. हाका लागून शॅक धनी चिंतेस्त जाल्ले. उदक भितर सरिल्ले सुवातेर शॅक दवरचें, काय तें हेर सुवातेर हालोवचें असो प्रस्न शॅक धनयांक पडिल्लो.
कांय शॅक धनयांनी दिल्ले म्हायती प्रमाण, बुधवारा रातीं दर्याच्या उदकाची पातळी अचकीत वाडली आनी शॅकांत उदक भितर सरलें. हें उदक शॅकाचे रांदचेकुडी मेरेन पाविल्ल्यान फटको बसलो.
माजोर्डाच्या कांय शॅकांनी ह्यान पयलींय उदक भितर सरिल्ल्यान शॅक धनयांक बरोच फटको बशिल्लो. फाटल्या वर्सा उदक भितर सरिल्ल्यान शॅक धनयांनी पर्यटन खात्याकडेन कागाळ केल्ल्याची आनी पर्यायी सुवात दिवपाचें सुचीत केल्लें, अशी म्हायती कांय शॅक धनयांनी दिली.
सध्या हांगा हुंवार वा भरतीचें उदक येत काय, असो भंय तांकां सतायता. पर्यटन खातें हाचेर कितेंय तरी उपाय काडटलें अशी अपेक्षा आशिल्ल्याचें धनयांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
