भांगरभूंय | प्रतिनिधी
भांगरभूंय । प्रतिनिधी
पेडणेः मोपा विमानतळार हळदुव्या आनी काळ्या टॅक्सीं खातीर स्टॅण्ड वा ब्ल्यू टॅक्सी स्टॅण्ड सुरू करनात तो मेरेन आंदोलन चालू दवोरपाचो निर्धार पेडण्यांतल्या टॅक्सीवाल्यांनी केला. आंदोलनाच्या मंगळारच्या दुसऱ्या दिसा टॅक्सीवाल्यांनी वेवसाय बंद दवोरून आंदोलनांत वांटो घेतलो.
मंगळाराक नागझर जंक्शनाचेर मोपा विमानतळा वयल्यान येवपी वाहनां आडावपाची शिटकावणी दिल्ली. मात तशें कांय जालें ना. टुगेदर फॉर पेडणे, ऍरपोर्ट टॅक्सी संघटनेन स्टॅण्डा खातीर हें आंदोलन सुरू केलां. अखील गोंय टॅक्सी संघटना आनी आदलो जिल्हो पंचायत वांगडी दीपक कळंगुटकारान आंदोलनांत वांटो घेवून ताका तेंको दिला.
मंगळाराक सांजे आंदोलकांनी पेडण्याच्या उपजिल्होधिकाऱ्याची भेट घेवंन ताचे कडेन चर्चा केली. टॕक्सी संघटनेचे पदाधिकारी उदय महाले , भास्कर नारुलकार येरादारी अधिकारी, राजेश नायक प्रल्हाद देसाय तसेच जीएमआर कंपनीचे अधिकारी हांची जोड बससा उपजिल्हाधिकारी दीपक वायंगणकारा वांगडा जाली. पांच दिसांत मोपा विमानतळार स्वतंत्र कावंटर अधिसूचीत करतले. ताका लागून आंदोलन फाटीं घेवपाची सूचोवणी वायंगणकार आनी येरादारी खात्याच्या अधिकाऱ्यांनी सांगलें. आमच्या वांगड्यां कडेन उलोवन निर्णय घेतले अशें उदय महालेन सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
