भांगरभूंय | प्रतिनिधी
सिडनी, खबरां संस्था ः भांगर हो धर्तरेचेर आशिल्लो एक मोलादीक धातू. दरेक मनीस पयशें एकठांय करुन भांगर विकतें घेता. जाल्यार दुसरे वटेन हालींच्या एका अहवाला प्रमाण अंटार्क्टिकांतल्या सक्रिय ज्वालामुखीच्या तेमकांतल्यान दर दिसा सुमार 80 ग्राम क्रिस्टलाइज्ड भांगरान भरिल्लो वायू वातावरणांत सोडटात. भांगर सोडपी ह्या ज्वालामुखीचें नांव ‘माउंट एरेबस’ आसा. अंटार्क्टिकांतल्या 138 सक्रीय ज्वालामुखीं मदलो हो एक ज्वालामुखी.
वायू आनी वाफ हांचे सतत उत्सर्जन अमेरिकन स्पेस एजन्सी NASA च्या मतान हो ज्वालामुखी पातळ कवचाच्या वयर आसा. अशे परिस्थितींत वितळिल्लो खडप धर्तरेच्या भितरल्यान वयर सरता आनी नेमान वायू आनी वाफ सोडटा. ह्या काळांत ज्वालामुखींमदीं स्फोटय जाता. खबरां प्रमाण 1972 सावन माउंट एरेबसांत लावा तळेंय तयार जालां.
1972 सावन सतत स्फोट
1972 सावन माउंट एरेबस सतत स्फोट जायत आसा अशें न्यूयॉर्कांतल्या कोलंबिया विद्यापिठांतल्या धर्तरी वेधशाळेच्या कॉनर बेकन हांणी लायव्ह सायन्साक सांगलें.
ताणें सांगलें की हो ज्वालामुखी ताच्या “लावा तळ्यां खातीर” फामाद आसा. ह्या ज्वालामुखीच्या माथ्यार खड्डे आसात. तातूंत वितळिल्लें पृश्ठभागाचें पदार्थ आसता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
