भांगरभूंय | प्रतिनिधी
दुबावीत पार्वती नारायण रॉय हिका अटक
भांगरभूंय । प्रतिनिधी
पेडणें : मांद्रें पुलिसांनी बिरेस्तारा 13 मार्चाक नायकवाडो मांद्र्यां 11 लाख 60 हजारांचो गांजो जप्त केलो तशेंच दुबावीत पार्वती नारायण रॉय हिका अटक केली.
मांद्रें पुलीस निरिक्षक शेरीफ जेकीस हांणी दिल्ले म्हायती प्रमाण 13 मार्चाक रातच्या 2.30 वरांचेर नायकवाडो मांद्रेंच्या यश शुटींग अकादमी वाठारांत धाड घालून 11 किला परस चड वजनाचो गांजो घेवन वचपी पार्वती नारायण रॉय (29. रा. अस्तंत बंगाल) हिका पुलिसांनी ताब्यांत घेतली. झडटे वेळार तिचे कडलो 11 कील गांजो जप्त केलो.
पार्वती रॉय ही कांदोळे बिराडाक रावताली. ती घुंवळे वखदांचो वेव्हार करता अशी म्हायती मांद्रें पुलीस निरिक्षक अर्चना शर्मा हांकां मेळ्ळी. तांणी आपल्या फुडारपणा खाला एक पंगड घडयलो आनी रातच्या वेळार सोद मोहीम सुरू केली. रातच्या 2.30 वरांच्या सुमाराक दुबावीत बायल घुंवळे वखदां घेवन आयली. त्या वेळार पुलिसांनी तिची झडटी घेतली. त्या वेळार तिचे कडेन 11 लाख 60 हजार रुपयांचो गांजो सांपडलो. पुलिसांनी घडणुकेचो पंचनामो केलो आनी दुबाविताक ताब्यांत घेवन अटक केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
