भांगरभूंय | प्रतिनिधी
पेडणेंः मांद्र्यां ट्रक आनी दुचाकी मदीं आयज भिरांकूळ अपघात जालो. ह्या अपघातात दोगां चलयांक जाग्यारुच मरण आयलें. जाल्यार तिसरी चली गंभीर जखमी जाली.
आयज सकाळीं १०.४५ वराच्या सुमाराक हो अपघात जालो. सानिका सुभाष खर्बे (१९) आनी प्रियंका संदेश खर्बे (२९) हांकां दोगांक जाग्यारुच मरण आयलें. जाल्यार सिद्धी हनुमंत शेटकार (१३) गंभीर जखमी जालें. तिनूय चलयो स्कुटरीवेल्यान वतना हो अपघात जालो. अपघाता उपरांत जखमी चलयेक उपचारा खातीर हॉस्पिटलांत व्हेली.
पुलिसांनी घडणुक सुवातेर येवन अपघाताचो पंचनामो केलो. ह्या अपघातातल्या संबंदीत ट्रक ड्रायव्हराक पुलिसांनी ताब्यांत घेतला. फुडलो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
