भांगरभूंय | प्रतिनिधी
भांगरभूंय । प्रतिनिधी
पेडणेः मांद्रे मतदारसंघांत स्वतंत्र पुलीस स्टेशना खातीर आमदार जीत आरोलकारान सध्या नेटान यत्न चलयल्यात. जुनसवाडो हांगा ते खातीर पुलीस स्टेशन उबारपाची सूचोवणी तांणी सरकाराक केल्या. उत्तर गोंयचो पुलीस अधिक्षक सोबित सक्सेना हांणी ते नदरेन हे सुवातेची बिरेस्तारा पळोवणी केली.
सक्सेना हांणी पेडणेचो उपअधिक्षक सिद्धांत शिरोडकार आनी पुलीस निरीक्षक दत्ताराम राऊस हांचे कडेन पंचायत वेंचणुकेच्या सुरक्षेचो नियाळ घेतलो. पत्रादेवी चेक पोस्टाक तांणी भेट दिवन पळोवणी केली. मोपा विमानतळ पुसीस स्टेशनात लोकांक वचपाक मेळचें ना अशें सांगतात ही खरी गजाल काय कितें अशें पत्रकारांनी विचारलें तेन्ना लोकांक थंय वचपाक मेळचें ना ही वावडी अशें तांणी सांगलें. पंचायत वेंचणुके वेळार संवेदनशील मतदान केंद्रा विशीं आमी चर्चा केली अशी म्हायती तांणी दिली.
मुख्यमंत्री डॉ प्रमोद सावंत हांणी मांद्रें मतदारसंघा खातीर स्वतंत्र पुलीस स्टेशन दिवपाचें आपल्याक आस्वासन दिलां आनी आनी सरकार तें पुराय करतलें असो विस्वास जीत आरोलकार हांणी तांचे कडेन संपर्क सादलो तेन्ना उक्तायलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
