भांगरभूंय | प्रतिनिधी
गोंय दर्यादेग वेवस्थापन प्राधिकरणान दिलो आदेश
पणजी, प्रतिनिधी ः मांडवी न्हंये लागसारा आशिल्ले जायरात करपी दोन हॉर्डींग बेकायदो थारावन ते मोडून उडोवपाचो आदेश गोंय दर्यादेग प्राधिकरणान दिला. उच्च न्यायालयाच्या आदेशा प्रमाण पेन्ह द फ्रान्स आनी रेईश मागूस वाठारांत आसपी हे होर्डींग मोडून उडोवापाचो निर्णय प्राधिकरणान घेतला.
मांडवी न्हंयेचे देगेक तेंकून पर्वरे-बेती वाठारांत सोरो, कॅसीनो, गुटखा आनी हेर वेवस्थापनाच्यो जायीराती करपी कितलींशींच हॉर्डिंगा आसात. एनडीझेड वाठारांत येवपी ह्या हॉर्डिंगां विशीं उच्च न्यायलयान चिंता उक्तावन हाची स्वेच्छा दखल घेतिल्ली. उपरांत हे हॉर्डिंगांची पळोवणी करून ताचेर कारवाय करपाचे आदेश न्यायलयान प्राधिकरणांक दिल्ले. न्यायलायाच्या निर्देशांक पाळो दित हे सगळे होर्डींग धनयांक प्राधिकरणान कारणा दाखय नोटीस काडिल्ली.
हालींच प्राधिकरणान आठ होर्डींग धनयांची सुनावणी घेतिल्ली. सुनावणे वेळार पेन्ह द फ्रान्स हांगा आशिल्ले रुपेश नार्वेंकार हांचे कॅसीनो प्रायड जायरात करपी आनी रेईस मागूस हांगासर आशिल्ले सालेत मिरांडा बोर्जेस ए शेट्टी हांचीं रितीं होर्डींगां बेकायदो थारावन तीं मोडून उडोवपाचे आदेश प्राधिकरणान दिले. जाल्यार उरिल्ल्या स जाणांची सुनावणी फुडें धुकल्ल्या.
नार्वेंकार हांणी आपलें म्हणणें सादर करपा खातीर आनीक वेळ मागिल्लो. पूण प्राधिकरणान नार्वेंकार हांकां फावो तितलो खूब वेळ दिवन लेगीत आपले म्हणणें सादर करपाक अपेशी थारला अशें सांगून तांकां हें होर्डींग मातयेभरवण करपाचो आदेश दिवन नोटीस निकालांत काडली.
जाल्यार शेट्टी हांणी प्राधिकरणांक सांगलें, तांकां कसलेंच म्हणणे सादर करपाचे ना. हे होर्डींग सद्या रिते आसा आनी स्वता ते हे होर्डींग मोडपाक तयार आसात, पूण ते प्राधिकरणाच्या निर्देशांची वाट पळयताले. हाचेर जाप दितना प्राधिकरणान हे होर्डींग मोडपाचे आदेश दिले आनी नोटीस निकालांत काडली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
