मांडवी न्हंयेंतली रेंव उसपिल्ल्यान एकल्याक अटक

भांगरभूंय | प्रतिनिधी

पणजी : पणजी दर्यादेग पुलिसांनी गुपीत म्हायतीच्या आदारार २९ जानेवारीक रातच्या वेळार धडक मोहीम चालीक लावन मांडवी न्हंयेंतली रेंव उसपिताले ते सुवातेर कारवाय केली. हातूंत रेंव उसपुपा खातीर वापरिल्ली १ बोट, ५ क्यूबिक मिटर रेंव मेळून १० लाख रुपयांचो मुद्देमाल जप्त केलो. समीर मोंडल (३०, अस्तंत बंगाल) हाका अटक केल्या. पणजी दर्यादेग पुलीस निरीक्षक अजित उमर्ये हांच्या नेतृत्वा खाला पुलीस पंगडान ही कारवाय केली.