भांगरभूंय | प्रतिनिधी
पणजी : मांडवी न्हंयेंत नांगरिल्ली एक क्रूझ बोट अचकीत बुडपाची घडणूक घडली. हाका लागून न्हंयेंतले सुरक्षितताये विशीं गंभीर प्रस्न निर्माण जाला. फाटल्या दोन दिसां सावन सुरू आशिल्ल्या घोग्यांनी पावसाक लागून ही घडणूक घडिल्ल्याचो अदमास अधिकार्यांनी उक्तायलो. सेगीत पडपी पावसाक लागून उदक सांठून उरलें आसतलें आनी हाका लागून ती बुडिल्ल्याची शक्यताय उक्तायल्या. हे घडणुकेंत कोणाक कांय जावंक ना.
सध्या थळावे अधिकारी ह्या प्रकरणाची चवकशी करतात. बोट बुडपाचें नेमकें कारण सोदपाचो यत्न करतात. तशेंच कितलें लुकसाण जालां, हाचोय नियाळ घेतात.
मजगतीं, फाटल्या म्हयन्यांतूय चोडण फेरी धक्यार नांगरून दवरिल्ली बेती ही फेरीबोट पावसाचें उदक भितर आयिल्ल्यान आनी तें योग्य तरेन भायर वचूंक नाशिल्ल्यान बुडिल्ली. हे घडणुकेचेर सोशल मिडियाचेर बरीच चर्चाय . खुबश्या जाणांनी दुबाव उक्तायिल्ले. निमाणें १५ दिसांनी आनी ३०-३५ लाखांचो खर्च करून ही फेरीबोट परत उफेतना दिसली. १५ दिसांनी ही फेरीबोट प्रवाशांचे सेवेंत रुजू जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
