भांगरभूंय | प्रतिनिधी
पणजी: राज्य पंचायत संचालनालय आनी गोवा पंचायत महिला सशक्तीकरण अभियान हांच्या जोड पालवान दिवपी महिला पुरस्कार फुडलो आयतार ता. 14 मे दिसा भेटयतले.
मुख्यमंत्री डॉ. प्रमोद सावंत तशेंच पंचायत मंत्री मॉवीन गुदिन्हो हे 7 मे दिसा कांय कारणांक लागून उपलब्ध नाशिल्ल्या कारणान पुरस्कार भेटोवपाची कार्यावळ फुडें धुकल्ल्या अशी म्हायती पुरस्कार समितीची वांगडी अनिता थोरात हांणी दिली. शेनवारा घेतिल्ले पत्रकार परिशदेंत तिणें सांगलें.
पत्रकार परिशदेंत उलयतना तांणी अभियाना वतीन राज्यभरांत घेतिल्ल्या कार्यावळींची म्हायती दिली. 64 भलायकी तपासणी शिबीर, 53 दोळे तपासणी शिबीर तशेंच बायलांच्या सशक्तीकरणा खातीर कुशळटाय उदरगत, विज्ञान आनी तंत्रज्ञान म्हायती कार्यशाळा असल्यो कार्यावळी केल्ल्याचें तिणें सांगलें.
काणकोण, पेडणें, मुरगांव, फोंडें, तिसवाडी, सत्तरी असल्या विवीध वाठारांतल्या नागरिकां मेरेन पावोवपाचें काम केल्ल्याचें तिणें सांगलें.
वट्ट 29 पुरस्कारां खातीर विधीध मळांचेर उत्कृश्ठ काम केल्ल्या 160 बायलांचीं नांवां वेंचूनकाडिल्ल्या ताचें परीक्षण सुरु केलां.700 परस चड पंचायत कर्मचारी, नागरीक कार्यावळीक हाजीर रावतले अशें तिणें म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
