भांगरभूंय | प्रतिनिधी
‘भावनेचा तू भुकेला’ दुसरें जाल्यार ‘सत्य- विजय’ तिसरें
भांगरभूंय । प्रतिनिधी
फोंडें: फोंडेंच्या राजीव गांधी कला मंदिरान आयोजीत (स. किशोरीताई हळदणकार यादस्तीक) 10 व्या अखील गोंय महिला संगीत नाटक सर्तींत बांदोडेंच्या ओम कला सृश्टी संस्थेन सादर केल्ल्या ‘मदनाची मंजिरी’ नाटकाक पयलें इनाम फावो जालें. सर्तींत वट्ट 15 नाटकां सादर जालीं.
सर्तींतलें दुसरें इनाम देवसाई कला क्रिएशन मडकय संस्थेन सादर केल्ल्या ‘भावनेचा तू भुकेला’ जाल्यार तिसरें इनाम मेरशेच्या धरणी कला सृश्टी पंगडान सादर केल्ल्या ‘सत्य- विजय’ नाटकाक फावो जालें.
उमेद वाडोवपी पयलें इनाम प्रतीक कला प्रॉडक्शन मौळा भाटी हांच्या ‘कैकयी’, दुसरें महादेव नाट्य मंडळ आगरवाडो पंगडाच्या ‘विश्रब्ध शारदे’ जाल्यार तिसरें महादेव भूमिका सेल्फ हॅल्प ग्रूप महिला मंडळ साळ- दिवचलच्या ‘संत गोरा कुंभार’ ह्या नाटकाक फावो जालें.
दिग्दर्शनाचें पयलें इनाम गोविंद नायक (विश्रब्ध शारदे), दुसरें- सुशांत नायक (भावनेचा तू भुकेला) आनी तिसरें दीपाश्री नायक (सत्य- विजय) हांकां फावो जालें.
उत्कृश्ट अभिनय (स्त्री भुमिके खातीर) पयलें- लक्ष्मी महात्मे (कैकयी), दुसरें मृगाली जगन्नाथ नायक (ययाती आणि देवयानी), तिसरें- गायत्री गांवस (संत गोरा कुंभार), उत्कृश्ट अभिनय (दादल्यांचे भुमिके खातीर) पयलें- दीपाश्री नायक (सत्य- विजय), दुसरें- संस्कृती नायक (भावनेचा तू भुकेला), तिसरें- नेहा देविदास नायक (गुरुदक्षिणा) हांकां फावो जालें.
नेपथ्याचें पयलें इनाम- अनिकेत नायक आनी विशाल गावडे (भावनेचा तू भुकेला), दुसरें- संजय मुरारी म्हामल (विश्रब्ध शारदे), उजवाड येवजण पयलें- वैभव नायक (विश्रब्ध शारदे), दुसरें- खेमराज पिळगांवकार (मदनाची मंजिरी), पार्श्वसंगीत पयलें- सनी जगन्नाथ नायक (भावनेचा तू भुकेला), दुसरें वसुंधरा तानाजी गावडे (मदनाची मंजिरी), वेशभुशा पयलें- चंदन प्रियोळकार (भावनेचा तू भुकेला), दुसरें- शिल्पा नागेशकार (मदनाची मंजिरी), रंगभुशा पयलें- एकनाथ नायक (मदनाची मंजिरी), दुसरें- जुझे गोम्स (भावनेचा तू भुकेला) हांकां फावो जालें.
ऑर्गन साथ पयलें- प्रदीप शिलकार (मदनाची मंजिरी), दुसरें- शिवानंद दाभोळकार (विश्रब्ध शारदे), तबला साथ पयलें- शैलेश गांवकार (मदनाची मंजिरी), दुसरें- सुशांत बोर्डीकार (संत गोरा कुंभार), गायन पयलें (स्त्री भुमिका)- श्रेया रामदास कडकडे (मदनाची मंजिरी), दुसरें- बिंदिया नायक (सत्य- विजय), उत्कृश्ट गायन (दादल्यांचे भुमिके खातीर) पयलें- प्रणाली विठ्ठल प्रभू (मदनाची मंजिरी), दुसरें- रेखा गांवस (ययाती आणि देवयानी), उत्कृश्ट बाल कलाकार पयलें- मगन गौतम सरदेसाय (सत्य- विजय), दुसरें- रिया रामा नायक (महामृत्युंजय), उत्कृश्ट नवी संहिता- सर्वेश नायक आनी दुसरें उमेश आगरवाडेकार हांकां इनामां फावो जालीं. परिक्षक म्हूण चतुरा विश्वास रायकार, राजेंद्र नायक आनी ज्ञानेश्वर शांताराम पार्सेकार हांणी काम पळयलें, अशी म्हायती राजीव गांधी कला मंदिराची वांगडी सचीव स्वाती दळवी हांणी पत्रकार परिशदेंत दिली. हे पत्रकार परिशदेंत सुनीर केरकार आनी श्रीकांत गावडे हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
