भांगरभूंय | प्रतिनिधी
मुंबय, खबरां संस्था ः भाजपा फुडारी आनी ज्येश्ठ आमदार कालिदास कोळंबकर हांची विधानसभेच्या हंगामी अध्यक्षपदाचेर निवड जाल्या. आयज राजभवनांत विधानसभेच्या विशेश अधिवेशना खातीर हंगामी अध्यक्ष म्हूण तांणी सोपूत घेतलो.
विधीमंडळाच्या विशेश अधिवेशनांत विधानसभेचें काम तांचे अध्यक्षते खाला जातलें. मुंबयच्या वडाळा मतदारसंघांतल्यान अंदूंचे वेंचणुकेंत कोळंबकर हांणी भाजपाच्या चिन्नाचेर जैत मेळयलां. विशेश म्हणल्यार तांणी 9 फावटीं आमदार जावपाचो विक्रम केला. कोळंबकर हे सगळ्यांत ज्येश्ठ आमदार म्हूण अध्यक्षपद सांबाळटले. फुडल्या तीन दिसांच्या अधिवेशनांत कोळंबकार हांचेर हंगामी अध्यक्ष पदाची जापसालदारकी आसतली. 9 डिसेंबराक नवे अध्यक्ष निवडटले. आमदारांच्या भोवमतान विधानसभा अध्यक्षाची निवड जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
