भांगरभूंय | प्रतिनिधी
ओझर, खबरां संस्था: बदलापूरांतल्या लिंगीक अत्याचाराचे घडणुकेक लागून पुराय महाराष्ट्राक धक्को बसलो जाल्यार आतां सिन्नर म्हालांत जेवणाचें हांयस दिवन एके चलयेचेर बलात्कार केलो. आरोपी पिडेस्त चलयेचो सावत्र बापूय. निफाड म्हालांतल्या दात्याने ओणे शिवारांत ही घडणूक घडली.
पुलिसांनी दिल्ले म्हायती प्रमाण, आरोपीन नेण्टे चलयेचेर उसाच्या शेतांत लैंगीक अत्त्याचार केले. हे विशीं पिडेस्त चलयेन ओझर पुलिसांक दिल्ले म्हायती प्रमाण, सावत्र बापूय दत्तू हो एका शेतकाराच्या शेतांत काम करता. ती नेण्टी चली गांवांत आयली तेन्ना आरोपीन पिडेस्ताक बोकड्यां खातीर तण हाडपाक या अशें सांगून तिका आपले सयत व्हेली.
बोकड्यां खातीर तण हाडपाक गेल्ले कडेन आरोपीन पिडेस्ता कडेन जबरदस्ती करून तिका द्राक्षांच्या मळ्यांत व्हेली आनी आंगावेले कपडे काडपाक लायले. भियेल्ली ती नेण्टे चलयेन बोवाळ केलो. बोवाळ करता तें पळोवन आरोपीन तिका मारपेट करून उसाच्या शेतांत व्हेली. उपरांत आरोपीन तिच्या गळ्यार कोयतो दवरून तिचेर बलात्कार केलो. तशेंच बोवाळ केल्यार जिवें मारपाचीय धमकी दिल्ली.
मात पिडेस्त चलयेन तिचे वांगडा घडिल्लें सगळें येवन आवयक सांगलें. उपरांत तिची आवय सरळ तिका घेवन ओझर पुलीस स्टेशनांत आयली आनी आरोप्या आड कागाळ दाखल केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
