भांगरभूंय | प्रतिनिधी
चंद्रपूर : महाराष्ट्र -तेलंगण शिमे लागसार भूंयकांपाचो नेटाचो धक्को जाणवलो. हे धक्के चंद्रपूर मेरेन जाणवले. तेलंगण लागसारा ५.० खर धपको जाणवलो. चंद्रपूर शारांत आयज सकाळीं साडेसात वरांचेर भूंयकांपाचे धक्के जाणवले. हाका लागून भंयाचें वातावरण निर्माण जालां. भूंयकांपाक लागून घराच्या जनेलांचो आवाज येतालो.
तेलंगण राज्यांतल्या मुलुंग गांवांत भूंयकाप जाल्ल्याचें सांगतात. ताका लागून चंद्रपूर जिल्ह्यांतूय धक्के जाणवले. तेलंगण तशेंच चंद्रपूर आनी लागसारच्या गडचिरोली जिल्ह्यांत हे धक्के जाणवले. चंद्रपूर शार तशेंच गांवगिर्या वाठारांतूय लोकांनी घरा भायर धांव मारली. जिल्ह्यांत व्हडा प्रमाणांत कोळश्याच्यो फॅक्टरी आसात. खाणीत कोळसो काडपा खातीर जिलेटीनाचो स्फोट केला आसतलो असो जायत्या जाणांचो समज जाला. मात आतां हे भूंयकापाचें धक्के अशें सांगतात. हो धक्को ५,३ रिश्चर स्केलाचो आशिल्लो, अशें वेधशाळेन कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
