भांगरभूंय | प्रतिनिधी
गोंय सॉफ्टबॉल संघटने वतीन घेतिल्ले 13वे फॅडरेशन करंड राष्ट्रीय सॉफ्टबॉल सर्तींत दादल्यांच्या गटांत महाराष्ट्रान आनी बायलांच्या गटांत छत्तीसगडान वस्तादपण जोडलें. सर्त कांपाला वयल्या खेळां प्राधिकरणाच्या मैदानाचेर जाली.
दादल्यांच्या गटांत महाराष्ट्रान पंजाब पंगडाक हारयलो, जाल्यार केरळा पंगडान तिसरी सुवात मेळयली. बायलांच्या गटांत छत्तीसगड पंगडान महाराष्ट्र पंगडाक हारयलो. तिसरी सुवात आंध्र प्रदेशान मेळयली.
दोनूय गटांनी येजमान गोंया सयत देशांतल्या णव राज्यांनी वांटो घेतिल्लो. गोंय खेळां प्राधिकरण, खेळां आनी युवा वेव्हार संचालनालय आनी भारतीय सॉफ्टबॉल संघटनेच्या सहकार्यान सर्तीचें आयोजन केल्ले.
इनामां भेटवण सुवाळ्याक भारतीय सॉफ्टबॉल संघटनेची अध्यक्ष नीतल नारंग, गोंय खेळां प्राधिकरणाची कार्यकारी संचालक गीता नागवेंकार, गोंय शिक्षण मंडळाचे अध्यक्ष भागिरथ शेटये, गोंय सॉफ्टबॉल संघटनेचे अध्यक्ष धर्मा चोडणकार, राष्ट्रीय आनी राज्य संघटनेचे पदाधिकारी वळेरेन रुपलाल शर्मा, देवेंद्र साहू, अनील जॉन्सन, शोबन बाबू, उमेश प्रसाद, व्यंटकेश शैलू, लक्ष्मण गेहलोत, रुपेश ठाणेकार, मोनिका लोबो, सुरेश चोडणकार, प्रसाद चोडणकार, अभिजीत शेजवळकर हे उपस्थीत आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
