भांगरभूंय | प्रतिनिधी
यूगनायक आनी विवीध संघटणांनी पेडण्यां आंबेडकर उद्यानांत घेतली पत्रकार परिशद
पेडणें: महाराष्ट्राचे शिक्षण तंत्रज्ञान मंत्री चंद्रकांत पाटील हांणी हालींच डॉक्टर बाबासायब आंबेडकर कर्मवीर भाऊसाहेब पाटील आनी ज्योतिबा फुले हांचे विशीं ह्या म्हान फुडार्यांनी भीक मागून शाळा सुरू केली अशें वक्तव्य केलें. ह्या वक्तव्याचो यूग नायक आनी विवीध संघटणांनी पेडण्यां आंबेडकर उद्यानांत पत्रकार परिशद घेवन जाहीर निशेध केलो.
ह्या वेळार साहित्यीक चंद्रकांत जाधव, कोरगांव पंच वांगडी दिवाकर जाधव, आगरवाड्यावेले पंच वांगडी हेमंत चोपडेंकार, ओमकार गोवेकार, शाहू फुले आंबेडकार प्रतिश्ठानाचे महादेव गवंडी, ज्ञानेश्वर वारखंडकार आनी हेर हाजीर आशिल्ले.
महाराष्ट्राचे उच्च आनी शिक्षण तंत्र मंत्री चंद्रकांत पाटील हांणी, हालींच कर्मवीर भाऊराव पाटील महात्मा ज्योतिबा फुले आनी डॉक्टर बाबासायब आंबेडकार ह्या म्हान व्यक्तींच्या आड वक्तव्य करून एक वातावरण तयार केलें. त्या निशेधांत डॉक्टर बाबासायब आंबेडकार उद्यान वाठारांत पत्रकार परिशद आयोजीत केल्ली. ह्या वेळार दरेकल्यान विवीध माध्यमांतल्यान हे घडणुकेचो निशेध केलो. यूग नायक गोंयां वतीन हे घडणकेचो निशेध केलो.
साहित्यीक चंद्रकांत जाधव, ज्ञानेश्वर वारखडकार, ओमकार गोवेकार, महादेव गवंडी हांणी आपले विचार मांडून ह्या वक्तव्याचो निशेध केलो.
आगरवाडेंचे पंच वांगडी हेमंत चोपडेंकार हांणी ज्या म्हान फुडार्यांनी आमच्या देशा खातीर आनी देशांतले जनते खातीर शिक्षणाची वेवस्था केली असल्यान म्हान फुडार्यां विशीं एक मंत्री उठून नाका जाल्ले वक्तव्य करून वादळ निर्माण करता. अशें परत जावचें न्हय देखून वेळार सरकारान ह्या मंत्र्याचे जिबेक कुलूप घालपाची शिटकावणी तांणी दिली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
