महाराष्ट्राचे उपमुख्यमंत्री अजित पवार हांकां विमान अपघातांत मरण

भांगरभूंय | प्रतिनिधी

मुंबय, खबरां संस्थाः महाराष्ट्राचे उपमुख्यमंत्री अजित पवार हांच्या विमानाक बारामतीत लँडिंग वेळार अपघात जालो. ह्या अपघातांत उपमुख्यमंत्री अजित पवार (66) हांचे सयत चार जाणांक मरण आयलें.
मेळिल्ले म्हायती प्रमाण, पवार एका खाजगी चार्टर्ड विमानान मुंबयच्यान बारामतीक गेल्ले. त्या वेळार विमानतळार लँडिंग करतना हो अपघात जालो. येवपी जिल्हो परिशद वेंचणुकेचे फाटभुंयेर अजीत पवार आयज, बिरेस्तारा बारामाती भोंवडेर आशिल्ले. आयज ताच्यो चार म्हत्वाच्यो बसका आशिल्ल्यो. हे खातीर ते आयज सकाळीं विमानान बारामती पावले. पूण विमानतळार लँडिंग करतना हो अपघात जालो आनी तातूंत तांकां मरण आयलें. ह्या वेळार अजीत पवार हांचे सयत विमानांत तांचे पीए आनी हेर सहकारी आशिल्ले. ह्या अपघातांत तांकाय मरण आयिल्ल्याची म्हायती मेळ्ळ्या. मजगतीं, मेळिल्ले म्हायती प्रमाण धुक्याक लागून आयिल्ल्या आडमेळींक लागून विमान वाट चुकले आनी मागीर क्रॅश जालें.

विमान अपघातांत मरण आयिल्ल्या मदीं महाराष्ट्राचे उपमुख्यमंत्री अजित पवार, विदिप जाधव (HC) अजित पवार हांचे वैयक्तीक सुरक्षा अधिकारी. मुखेल वैयक्तिक पायलट कॅप्टन सुमित कपूर. को-पायलट कॅप्टन शांभवी पाठक आनी पिंकी माली फ्लायट अटेंडंट हांचो आस्पाव आसा.

अजित अनंतराव पवार

पूर्ण नांव: अजित अनंतराव पवार
जल्म: 22 जुलय 1959
जल्मस्थान: देऊळगांव राजा, जिल्हो बुलढाणा, महाराष्ट्र
पिराय: 66 वर्सां
शिक्षण: पदवी (बीकॉम)
वेवसाय: राजकारणी, सहकारी संस्थां कडेन संबंद

राजकी म्हायती

पक्ष:

• सध्या – राष्ट्रवादी काँग्रेस (अजित पवार गट)
• पयलीं – राष्ट्रवादी काँग्रेस (शरद पवार गट)

मतदारसंघ:

• बारामती (पुणें जिल्हो)

म्हत्त्वाचीं पदां:

• महाराष्ट्राचे उपमुख्यमंत्री (जायते फावटी)
• अर्थमंत्री, महाराष्ट्र राज्य
• शिंपणावळ, ऊर्जा, नियोजन हीं म्हत्त्वाचीं खातीं
• दीर्घकाळ आमदार (1991 सावन)

वळख :

• खर प्रशासक
• जलसिंचन प्रकल्पांचेर भर
• “कामाचेर विस्वास” अशी प्रतिमा
• थेट, फटकळ आनी वादग्रस्त वक्तव्यां खातीर प्रसिद्ध

कौटुंबिक म्हायती

बापूय : अनंतराव पवार
आई: आशाताई पवार
काका : शरद पवार (ज्येश्ठ राष्ट्रीय फुडारी)

घरकान्न : सुनेत्रा पवार
भुरगीं : पार्थ पवार – युवक राजकारण, उद्देग

• एक चली (प्रसारमाध्यमां पसून पयस)

वैयक्तिक सवयी

• फांतोडेर उठून कामाक सुरवात
• बसकांचेर चड भर
• शेतकारांच्या प्रस्नांचेर आक्रमक भुमिका
• भावनिकते परस वेव्हारीक निर्णय

वाद

• शिंपणावळ घोटाळो सादारण 70 हजार कोटींचो, असो भाजपान आरोप केल्लो. ते पुरावे दिवपाक शकले नात. कोर्टान क्लिन चीट दिली.
• पक्ष फोडलो आनी सत्ता स्थापने खातीर धक्को दिवपी राजकी निर्णय.