भांगरभूंय | प्रतिनिधी
मुंबय : महाराष्ट्रांत 3 ते 7 ऑक्टोबरा मजगतीं चक्रीवादळाची शिटकावणी दिली. भारतीय हवामान विभागान सांगलें, अरबी दर्यांत मान्सूना उपरांतचें हें पयलें चक्रीवादळ. श्रीलंकेन ह्या चक्रीवादळाक शक्ती अशें नांव दिलें.
चक्रीवादळ शक्तीचें परिणाम मुंबय, ठाणे, पालघर, रायगड, रत्नागिरी आनी सिंधुदुर्ग जिल्ह्यांत जाणवतलें. वराक 45-55 किमी वेगान वारें व्हावतलें. चक्रीवादळाचे खराये प्रमाण, वार्याचो वेग वराक 65 किमी वा ताचे परस चड आसपाक शकता. 5 ऑक्टोबरा मेरेन महाराष्ट्राचे दर्यादेगेर उंच दर्याचीं ल्हारां येवपाची शक्यताय आसा.
मजगतीं, बंगालच्या उपसागराचेर निर्माण जाल्ल्या उण्या दाबाच्या पट्ट्याक लागून आंध्र प्रदेश आनी ओडिशाच्या खुबश्या जिल्ह्यांनी घोग्यांनी पावस आनी हुंवार आयलो. शुक्रारा आंध्र प्रदेशांत पावसा कडेन संबंदीत तीन घडणुकांनी चार जाणांक मरण आयलें. ओडिशाच्या गजपती जिल्ह्यांत पालसणां कोसळिल्ल्यान दोगांक मरण आयलें. खुबशे जाण बेपत्ता जाले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
