भांगरभूंय | प्रतिनिधी
नवी दिल्ली, खबरां संस्था ः महाराष्ट्रांतल्या सगळ्या पुलीस आयुक्त कार्यालयांनी तीन नवें गुन्यांवकारी कायदे चालीक लावचे, आनी नव्या गुन्यांवकारी कायद्या प्रमाण महाराष्ट्र सरकारान अभियोग संचालनालय स्थापन करचे अशें आदेश केंद्रीय गृहमंत्री अमित शाह हांणी दिलें. महाराष्ट्रांत गुन्यांवकारी कायदे चालीक लावपा संबंदी केंद्रीय गृहमंत्री अमित शाह हांच्या अध्यक्षते खाला आढावो बसका जाली. त्या वेळार तें उलयताले. हे बसकेंत मुख्यमंत्री देवेंद्र फडणवीस हजर आशिल्ले.
हें बसकेंत राज्यांतले पुलीस, बंदखणी, न्यायालयां, खटले आनी न्यायालयीन शास्त्रा संबंदीत वेगवेगळ्या नव्या तरतुदींची अंमलबजावणी आनी सध्याचे स्थितीचो आढावो घेतलो. राज्यांत नव्या गुन्यांवकारी कायद्याची अंमलबजावणी करपा विशीं मुख्यमंत्र्यांनी द्वि-सप्तकी नियाळ घेवचो, जाल्यार मुखेल सचीव आनी पुलीस महासंचालकांनी सप्तकी नियाळ घेवचो अशें शाह हांणी निर्देश दिले. कायदो आनी सुवेवस्था घटमूट करपा खातीर गुन्यांव नोंद करप गरजेचें आसा, देखून एफआयआर दाखल करपाक कळाव जावंक फावना अशेंय शाह हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
