भांगरभूंय | प्रतिनिधी
मुंबय, खबरां संस्था : जालनांतल्या अंतरवाली सराटी गांवांत पुलीस आनी आंदोलक गांवकारां मदीं काल चकमक जाली. लाठीमार, गुंडे मारिल्ल्यान बरेच लोक जखमी जाले. आतां हें मराठा आंदोलन पेटपाचीं चिन्नां दिसतात. आयज बीड शार बंद आशिल्लें. काल दोन बशी लाशिल्ल्यो. आयज राज्यभर आंदोलनां जालीं. मराठा समाजाचीं मतां चड आसात, ताका लागून उदयन राजे, शरद पवार, राज ठाकरे, छगन भुजबळ आनी हेर फुडारी आंदोलकांनी घेतिल्ल्या सभांनी दिसले. भुजबळ हांणी आमी सरकाराचे वतीन न्यायालयांत लडटात, अशें सांगलें. मराठा समाजाक शिक्षण, नोकरी, बडटेंत आरक्षण जाय. ते खातीर फाटलीं कितलींशींच वर्सां ते आंदोलन करतात.
जालना आयज मराठा समाजा वतीन रास्ता रोको जालो. आंदोलकांनी गुंडे मारिल्ल्यान पुलिसांनी हवेंत फारपेट केलो. दुकांधुंवराच्यो कांडयो फोडल्यो. कांय खाजगी वाहनांकूय उजो घालो. अंबड चौफुली वाठारांत लोकांनी एका ट्रकाक उजो घालो. तशेंच खाजगी गाडयांचेर गुंडे मारले. चौफुले वाठारांत रस्त्यांचेर गुंडे, विटांची रास पडिल्ली.
कांय पत्रकारांक आंदोलकांनी मार घालो. उजो लायिल्ल्याचे फोटो घेवं नाकात अशें तांणी पत्रकारांक सांगलें. फुलंब्री गांवाच्या सरपंचान सरकाराचो निशेध म्हणून स्वताचेच गाडयेक उजो घालो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
