भांगरभूंय | प्रतिनिधी
गडचिरोली, खबरां संस्था: महाराष्ट्रांतल्या गडचिरोली जिल्ह्यांतल्या एटापल्ली म्हालांतल्या बार्सेवाडो हांगा जादू टोणो केल्ल्याच्या दुबावा वयल्यान एके बायल आनी दोग जाण मेळून तिगां जाणांक लोकांनी जिवेंच लासयिल्ल्याची घडणूक घडल्या. जमनी तेलामी (५२) हिचो घोव देवाजी तेलामी (६०) आनी चलो दिवाकर तेलामी (२८) अशीं मरण आयिल्ल्यांचीं नांवां जावन आसा. ह्या प्रकरणांत १५ जाणांक अटक केल्या.
बार्सेवाडीच्या जमनी आनी देऊ हीं दोगांय जादू, चेटूक करपाचो दुबाव कांय गांवच्या लोकांक आशिल्लो. १ मे दिसा सांजेच्या ६ वरांचेर गांवचे लोक एकठांय आयले आनी मरण आयिल्ल्या दोगांयकूय बरीच मारबडय केली. उपरांत त्या दोगांयकूय ओडीत व्हरून रातच्या १० वरांचेर गांवां भायल्या व्हाळांत उडोवन तांकां उजो घालो. दुसर्या दिसा उसरां मेरेन हे विशीं कोणाकूच कांयच खबर नाशिल्लें. पुलिसांक कळयल्या उपरांत ही खबर उक्ताडार आयली.
मजगतीं, पुलिसांक हे विशीं खबर मेळटांच तांणी तपास करपाक सुरू केलें. घडणुके सुवातेर मरण आयिल्ल्या दोगांयचो गोबोर जाल्लो. ह्या प्रकरणांत वट्ट १५ जाणांक अटक केली. आरोपींचो आंकडो वाडपाची शक्यताय आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
