भांगरभूंय | प्रतिनिधी
मधुबनी, खबरां संस्था ः महाकुंभ 2025 त मधुबनी जिल्ह्यांतल्यान गेल्लो योगतज्ञ रविव्योम शंकर झा हांणी 1008 डुबक्यो घेवन संवसारीक विक्रम केलो. मेळिल्ले म्हायती प्रमाण बेनीपट्टी ब्लॉकांतल्या धनिया गांवांत रावपी रवि झा हांणी मौनी अमावशेच्या शुभ म्हुर्तार संगमांत 1008 डुबक्यो घेवन नवो संवसारीक विक्रम केलो.
योगांत तज्ञ आशिल्ल्या रवि झा हाचो हो पयलो संवसारीक विक्रम न्हय. हाचे आदीं दुबयच्या ‘इंडिया क्लब’त 24 वरां उदकांत बुडून योग करून विक्रम केल्लो. ताचें नांव गिनीज बुक ऑफ वर्ल्ड रेकॉर्डांत नोंद जालां.
तांच्या अद्भुत कामगीरी पळोवपा खातीर भक्त आनी योग मोगी लोकांची महाकुंभांत व्हड गर्दी जमली. हे इतिहासीक कामगीरी उपरांत योग तज्ञ रवि झा हांणी सांगलें, भारतीय योग आनी सनातन परंपरेचो वैभव संवसारीक मळार दाखोवपाचो आपलो यत्न माध्यम आसा. लोकांक योग आनी ध्यान हाची वळख करून दिवप आनी आध्यात्मिक जिणेक चालना दिवप हो तांचो मुखेल हेत आसा अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
