मळबांतलो दुर्मिळ देखावोः 54 वर्सां उपरांत 6 गिरे एकठांय दिसतले
भांगरभूंय | प्रतिनिधी
वॉशिंग्टन, खबरां संस्था ः सुमार 54 वर्सां उपरांत म्हळ्यार 3 जूनाक मळबांत एक दुर्मिळ देखावो दिसतलो. गुरू, मंगळ, गुरू, शनी, युरेनस आनी नेपच्यून हें गिरे एकठांय मळबांत दिसतले. ह्या गिऱ्यां वांगडाच तांचें वलय आनी तांचे चंद्रूय दिसतले. असो देखावो हांचे आदीं 1970 वर्सा पळोवंक मेळिल्लो. त्या वेळार गुरू, शनी, युरेनस आनी नेपच्यून हे चार गिरे वलय आनी चंद्रा सयत दिसिल्ले. दर कांय दशकांनी दिसपी हो गिऱ्यांचो देखावो पळोवपाक सकाळीं बेगीन उठचें पडटा. हो देखावो फकत सकाळींच दिसता. सगळे गिरे स्पश्ट दिसतलेच अशें ना. तांबड्या रंगाचो मंगळ आनी विशाल शनी स्पश्ट दिसतलो. बुध आनी गुरू पळोवप कठीण जातलें, युरेनस आनी नेपच्यून पळोवपाक दुर्बिण वा टेलिस्कोपाचो वापर करचो पडटलो.
मळबांत परेड ऑफ प्लॅनेट्स
जायते ग्रह एकठांय पळोवप हाका ग्रहांचे संचलन (परेड ऑफ प्लॅनेट्स) अशेंय म्हण्टात. तशेंच 28 ऑगस्टाक 6 गिऱ्यांचे प्लॅनेट परेड पळोवपाक मेळटले. ऑगस्ट 2024 ते ऑगस्ट 2025 ह्या काळांत आनीक 4 फावटीं गिऱ्यांचे परेड जातले, पूण तांतूत फकत 3 वा 4 गिरेच दिसतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
