भांगरभूंय | प्रतिनिधी
भांगरभूंय । प्रतिनिधी
काणकोणः श्रीस्थळ- काणकोण हांगच्या मल्लिकार्जुन देवस्थानांचो वर्सुकी भजनी सप्ता 10 तें 17 जुलय मजगतीं जातलो. 10 जुलयाक सकाळीं 9 वरांचेर पाराक सुरवात जातल. ते उपरांत दरेक 3 वरांचो पार वेगवेगळ्या समाजा वतीन जातलो.
सात दिसांच्या ह्या अंखंड भजन सप्तांत वेगवेगळ्या समाजा वतीन रातीं 9 तें 12 मजगतीं पूजेचो पार जातलो. पयल्या दिसा दैवज्ञ ब्राह्मण समाज, दुस-या दिसा कोमरपंत समाज, तिस-या दिसा श्रीस्थळवासी समाज, चौथ्या दिसा वेळीप ब्राह्मण, पांचव्या दिसा वैष्णव समाज, सवे दिसा किंदळेकार देसाय समाज आनी सातव्या दिसा नगर्शेकार देसाय समाजा वतीन पूजा जातली. ह्या सप्ताक शेकड्यांनी वर्सांची परंपरा आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
