भांगरभूंय | प्रतिनिधी
देशभरांत डेंग्यूचे दुयेंती वाडत आसात, तेच बराबर मलेरियाचेय दुयेंती वाडल्यात. जळारां चाबल्यार मलेरियाचो जोर येता. मलेरिया पातळपाक जायते परजिवी जापसालदार आसतात. तातूंतलो सगळ्यांत धोक्याचो म्हळ्यार प्लास्मोडियम फॅल्सीपेरम. तुमकां सौम्य जोर, कुडकुडो आनी खर तकली दुखत जाल्यार ती मलेरियाची लक्षणां आसूं येतात.
मनशाक एकाच वेळार दोन परजीवींची लागण जावंक शकता. पूण एकाच वेळार दोन संसर्ग जावप बरें न्हय. अशें परिस्थितींत लोकांनी मलेरियापसून स्वताची राखण करपाची गरज आसा. ह्या म्हयन्यांत मलेरियाचे दुयेंती नेटान वाडल्यात म्हणून खंयच्याय प्रकारच्या जोरा कडेन दुर्लक्ष करचे न्हय.
अॅनोफिलीस जळार चाबल्यार मलेरिया जोर येता. हीं जळार मनशाक चाबता तेन्ना प्लास्मोडियम बॅक्टेरिया कुडींत भितर सरता. ल्हव ल्हव तो कुडींत वाडूंक लागता. दोन-तीन दिसांनी जोर येता आनी बॅक्टेरिया कुडीच्या वेगवेगळ्या भागांचेर परिणाम करपाक लागतात. मलेरियाचीं लक्षणां वेळार वळखूंक ना जाल्यार दुयेंतीक मरण पसून येवपाची भिरांत आसता.
मलेरिया जाल्यार सुरवेक जोर येता, घाम सुरू जाता आनी कुडकुडोय खाता. तुमकां ही समस्या आसल्यार रोखडीच मलेरियाची चांचणी करात आनी दोतोराचो सल्लो घेयात.
मलेरियापसून अशी घेयात जतनाय…
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
