भांगरभूंय | प्रतिनिधी
16 कुडी कुटुंबीयांच्या सुवादिन
भांगरभूंय । प्रतिनिधी
पणजी : हडफड्यांच्या ‘बर्च बाय रोमिओ लेनीक’ उजो लागून मरण आयिल्ल्या 25 जाणां मदल्या 19 कुडींचें पोस्टमॉर्टम पुराय जालां. 16 कुडी कुटुंबीयांच्या सुवादिन केल्यात, अशी म्हायती भलायकी सचिव यतींद्र मराळकार हांणी दिली.
मरण आयिल्यांचे सोयरे वा घरचीं येतात, तशें तशें पोस्टमॉर्टम करतले. नेपाळ सयत त्या, त्या राज्यांनी कुडी पावोपाची वेवस्था सरकार करतलो, अशें मुख्यमंत्री डॉ. प्रमोद सावंत हांणी स्पश्ट केलां.
इतले मजगतीं उज्यांत जखमी जाल्या 5 जाणांची भलायकी थीर आसा. ते उपचाराक सकारात्मक प्रतिसाद दितात. भलायकेत सुदारणा जाल्यान आतिश मेहता ह्या जखमीक आयज सांज मेरेन डिस्चार्ज मेळटलो, अशें मराळकार हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
