भांगरभूंय | प्रतिनिधी
उपजिल्होधिकारी नेहाल तळावणेंकार: मयें मालमत्ता प्रकरण
दिवचल: मयें स्थलांतर मालमत्ता प्रकरणांत कांय कारणां खातीर अर्ज सादर करूंक जांकां शक्य जावंक ना तांणी घर आनी शेतां विशीं आपले अर्ज येता त्या तीन म्हयन्यां भितर रितसर भरून सादर करचे अशें आवाहन दिवलचे उपजिल्होधिकारी नेहाल तळावणेंकार हांणी पत्रकार परिशदेंत केलें.
मयेंतल्या सरकारी जमनी विशीं अर्ज करपा खातीर नव्यान पोर्टल सुरू करतात. ज्या मयेंकारांचो एक चौदा उतऱ्याचेर गोंय अशें नांव आसा आनी जांणी अजून अर्ज केल्ले नात तांकां सरकारा वतीन 90 दिसांचो चड काळ दिला. 15 ऑगस्ट 2014 पयलींचीं घरां आसात तशेंच शेत जमनी तांकां विवीध अटींचेर हक्क दिवपा खातीर नव्यान अर्ज करपाची संद दिल्या.
10 जुलय ते 7 ऑक्टोबर मजगतीं अर्ज उपजिल्होधिकाऱ्या कडेन सादर करपाची मुजत आसा. ते खातीर दोन वेगळे वेगळे अचर्ज उपलब्ध केल्यात. घरा खातीर एक कागदपत्र चलतलें तशेंच जमनी विशीं गरजेची म्हायती दिवप गरजेचें आसा अशी म्हायती उपजिल्होधिकारी नेहाल तळावणेंकार हांणी दिली.
मयेंचे आमदार प्रेमेंद्र शेट हांणी थळाव्यां बरोबर मुख्यमंत्री डॉ. प्रमोद सावंत हांची भेट घेवन मयें प्रकरणांत जांणी अजून अर्ज केल्ले नात तांकां नव्यान अर्ज करपाची संद दिवची अशी मागणी केल्ली. ते प्रमाण मुख्यमंत्री डॉ. प्रमोद सावंत हांणी तीन म्हयने मुजत निश्चीत केल्या. ग्रामस्थांनी नदरचुकीन म्हायतीच्या उणावाक लागून अर्ज कले नात तांकां ही संद सरकारान दिल्या, ताचो लाव घेवपाचें आवाहन उपजिल्हाोधिकाऱ्यांनी केलां.
मजगतीं, 2016 ते 2021 ह्या पांच वर्सांत घरां खातीर 803 अर्ज आयल्यात. तातूंतल्या 753 लोकांक सनदी भेटयल्यात. 150 जाणांच्या कागदपत्रांची पारखणी सुरू आसा उरिल्ले अर्ज प्रक्रियेंत आसात अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
