भांगरभूंय | प्रतिनिधी
प्रेमेंद्र शेटः अटल आसरा खाला 42 कुटुंबांक 65 लाख रुपया वितरीत
भांगरभूंय । प्रतिनिधी
दिवचलः मयें स्थलांतरीत मालमत्ता समस्येक लागून मयेंच्या लोकांक खूबशीं वर्सां सरकाराची कसलीच येवजणेचो लाव घेवपाक मेळानाशिल्लो. मात हे संबंदांत विधानसभेंत प्रस्न उपस्थीत केले उपरांत मुख्यमंत्री डॉ. प्रमोद सावंत हांणी हातूंत लक्ष घालून उपाय काडिल्ल्यान आतां हे मुखार मयेंच्या लोकांक सगळ्या सरकारी येवजण्यांचो लाव घेवपाक मेळटलो, अशें आमदार प्रेमेंद्र शेट हांणी सांगलें.
समाज कल्याण खात्या वतीन अटक आसरा येवजणे खाला मयेंच्या 42 लाबार्थींक दरेकी देड लाख रुपया मेळून वट्ट 65 लाख रुपया निधीचीं मंजुरी पत्रां आमदार शेट हांचे हस्तुकीं वितरीत केलीं.
खूबशीं वर्सां हें अर्ज प्रलंबीत आशिल्ले. हे फुडें विविध सरकारी येवजण्यांचो लाव मयेंकारांक मेळटलो. 42 कुटुंबांक घर दुरुस्ती खातीर हो निधी मंजूर केल्ले खातीर आमदार शेट हांणी मुख्यमंत्री डॉ. प्रमोद सावंत तशेंच समाज कल्याण मंत्री सुभाष फळदेसाय हांकां परबीं दिलीं. ह्या वेळार पंच वासुदेव गांवकार तशेंच थळावे लोक आनी लाबार्थी हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
