भांगरभूंय | प्रतिनिधी
दिवचल: गोंय राज्य सहकारी संघ, राष्ट्रीय सहकारी संघ आनी मयें ग्रामविकास भोवउद्देशीक पथसंस्थेच्या जोड पालवान 70 व्या राष्ट्रीय सहकार सप्ताचे कुमारवाडो मयां आमदार प्रेमेंद्र शेट हांचें हस्तुकीं उक्तावण जालें.
ह्या वेळार गोंय राज्य सहकार संघाचे अध्यक्ष रामचंद्र मुळे, उपाध्यक्ष विठ्ठल गांवस, मार्केटींग फेडरेशनाचे अध्यक्ष सखा मळीक, मुखेल उलोवपी अॅड. विनायक नार्वेंकार, पंचायत वांगडी शंकर चोडणकार आनी महेश सावंत तशेंच मयें ग्रामविकासाचे उपाध्यक्ष लक्ष्मण किनळकार हाजीर आशिल्ले.
समाजाक अर्थीक मळार उंचायेर हाडपाचें आसत जाल्यार सहकार क्षेत्राची भुमिका म्हत्वाची आसा. ते खातीर गांवांगांवांत आपरोजगार वाडूंक जाय. आपमजत गटांच्या माध्यमांतल्यान वेवसायाचो विकास जावंक जाय अशें आमदार प्रेमेंद्र शेट हांणी सांगलें.
मुखेल वक्ते आनी मार्शेल अर्बन सहकारी संस्थेचे अध्यक्ष अॅड. विनायक नार्वेंकार हांणी आपल्या उलाेवपांत आपमजत गट आनी दूद वेवसाय ह्या दोनूय माध्यमांतल्यान सहकाराचो विकास जाल्ल्याचें सांगलें.
ह्या वेळार मार्केटींग फेडरेशनाचे सखा मळीक आनी शंकर चोडणकार हांचींय उलोवपां जालीं. गोंय राज्य सहकार संघाचे अध्यक्ष रामचंद्र मुळे हांणी हाजीर आशिल्ल्यांक येवकार दिलो.
हे कार्यावळी निमतान सहकार क्षेत्राक आपले कामगिरीन ल्हान वेवसाय करून हातभार लायिल्ल्या 17 जाणांचो भोवमान केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
