भांगरभूंय | प्रतिनिधी
भांगरभूंय । प्रतिनिधी
म्हापशेंः मयडें पंचायतीची सचीव इस्टेलिना फर्नांडीस हिची अकस्मात बदली केल्ल्यान पंचायत वाठारातल्या लोकांनी नाराजी उक्तावन ही बदली फाटीं घेवची हे खातीर सयाचे मोहिमे वरवीं सरकाराक निवेदन दिवपाचें तांणी थारायलां.
पंचायत प्रशासन संचालक सिद्धी हळर्णकार हिणे व्हो बदलीचो आदेश दिला. फर्नाडीस हिची बार्देश बीडीओ कार्यालयांत जाल्यार थंयच्या बेलादास कारापूरकाराची बदली मयडें पंचायत सचीव म्हणून केल्या. मयडें पंचायत मंडळांत भाजप समर्थक गट सत्तेर आसा. इस्टेलिना फर्नांडीस हिचे आड कोणाचीय कागाळ नासतना आनी पंचायत मंडळाक विस्वासांत घेनास्तना ही बदली केल्ले खातीर तांणी अजाप उक्तायलां. बदली रद्द करची हे खातीर लोकांच्या सयाचें निवेदन सरकाराक सादर करपाचो निर्णय लोकांनी घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
