भांगरभूंय | प्रतिनिधी
नवी दिल्ली, खबरां संस्था ः ‘रिकामें मन हें सैतानाचें घर’ अशी एक म्हण आसा. पूण, आतां शास्त्रज्ञांनी संशोधनांत तें चुकीचें सिद्ध केलां आनी रिकामे मन आनी मेंदू हें सृजन वा सर्जनशीलतेचें सगळ्यांत व्हडलें कारण आसा हें सिद्ध केलां. सर्जनशील मनशांचेर केल्ल्या संशोधनांत तांकां ताण आनी उदासीनताय उणी आसता अशें दिसून आयला. अशा लोकांची नदर सामकी व्यापक आनी सकारात्मक आसता आनी एकाच गजाली कडेन वेगळी पद्दत आनी स्पश्ट समजूत आसता. सर्जनशील मनशांचो मेंदूय तुळेन शिथील आसता. वयल्यान दुबळें दिसूं येता, पूण सृजनशीलतायेक तें फायदेशीर आसता. हाचो अर्थ मेंदवांत विचार नासप आनी डाव्या मेंदवाच्या सक्रियतायेक लागून निर्माण जावपी शांतताय. मनांत ही स्थिती निर्माण जातकच एक नवो विचार वा अणभव प्रगट जाता. ताका ‘अॅबस्ट्रॅक्ट’ अशें म्हण्टात. उपरांत ते उक्तायतात आनी स्पश्ट करतात. घडये तेन्नाच न्यूटनाक मन आनी कुडीचे शिथील अवस्थेंत गुरुत्वाकर्शणाची जाणविकाय जाली आसत.
सृजनशीलता म्हळ्यार शिकप आनी अभ्यासा वरवीं एक कुशळटाय म्हणून विकसीत करूं येता. म्हणल्यार ती बुद्धी परस वेगळी अभिव्यक्ती आसता तातूंत प्रवाह, नवनिर्माण, मूळपण, जिवेंपण आसता. वा अशेंय म्हणूं येता, सृजनशील मनशाची स्वयंचलीत प्रवृत्ती आसता, जी ताच्या विचारांत, उलोवपांत आनी वावरांत दिसून येता. जिणेंतले व्यस्ततेंतल्यान सृजनशीलते खातीर वेळ काडप गरजेचें. पूण, हें ‘अंतर’ शारिरीक निश्क्रीयताये परस मानसीक रिकाम्यापणाक संबंदीत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
