भांगरभूंय | प्रतिनिधी
व्हेन्झी व्हिएगश : एकवटींत लढो दिवपाचो वेळ
भांगरभूंय | प्रतिनिधी
मडगांव : आदले मुख्यमंत्री मनोहर पर्रीकार हांचें जें गोंयां खातीर व्हिजन आशिल्लें ताचे आड आयचें सरकार काम करता. रेल्वे दोट्टीकरण जावपाक दिवचे नात आनी कोळशाची येरादारी जावपाक दिवचे नात, अशी स्पश्ट भुमिका पर्रीकार हांणी घेतिल्ली. मात सध्याचें भाजप सरकार पुरायेन विरुद्ध धोरण चालीक लायता अशी टिका आमदार व्हेंझी व्हिएगस हांणी केली.
राज्य आनी केंद्र सरकारा वतीन होस्पेट- वास्को मार्गार रेल्वे दोट्टीकरण करून कोळशाची येरादारी करपाचो मार्ग मेकळो करतले. आतां मेरेन हें कोळशा खातीर न्हय, अशें सांगताले. मात आतां तें फकत कोळसो येरादारी खातीरूच आशिल्ल्याचें स्पश्ट जालां, अशें व्हेंझी हांणी म्हणलां.
पर्रीकार हांणीच वीज घोटाळो प्रकरण मुखार हाडिल्लें. मात सध्या सरकारांत मंत्री आशिल्ले मॉवीन हांकां पुराव्याच्या उणावाक लागून आरोपांतल्यान मुक्त केले. तशेंच पर्रीकार हांणी अल्पसंख्याक आयोग स्थापन करपाचें आस्वासन दिल्लें. मात सध्याचें सरकार आयोग स्थापन करपाक विरोध केल्ल्याचें दिसता, अशीय टिका तांणी केली.
कोळसो येरादारी आड चांदर आरोशी आंदोलन प्रकरणांत अजूनय सुनावणी चालू आसा. हजारांनी लोकांचो विरोध आसूनय सरकार कोळसो येरादारीचेर सहमत आसा. सुरावले पंचायतीनूय ह्या रेल्वे दोट्टीकरणा आड भुमिका घेवची, असो उलो मारतलों अशें व्हेंझी हांणी सांगलें. कोळशा आड आतां सगल्यांनी एकठांय येवन लढो दिवपाचो वेळ आयला, अशेंय तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
