भांगरभूंय | प्रतिनिधी
भारताच्या क्रिकेट पंगडाचो बॅट्समन मनोज तिवारीन अचकीत क्रिकेटीच्या सगल्या प्रकारांतल्यान निवृत्ती जाहीर केली. मनोज तिवारीन कारकिर्दीचे सुरवातीक सगल्यांचें लक्ष आपले वटेन ओडून घेतिल्लें. पूण, तो टीम इंडियांत चड काळ तग धरपाक शकलो ना.
मनोज तिवारी सध्या बंगालांत ममता बॅनर्जीच्या सरकारांत खेळां मंत्री आसा. फाटल्या आठ वर्सां सावन ताका भारताच्या राष्ट्रीय पंगडांत सुवात मेळूंक नाशिल्ली. फाटल्या हंगामांत तो रणजी करंड सर्तींत बंगाला वतीन खेळिल्लो.
मनोज तिवारी 2015त भारता वतीन निमाणी मॅच खेळिल्लो. ताणें 2008त ऑस्ट्रेलिये आडचे वन डे मॅची वरवीं क्रिकेटींत पदार्पण केल्लें. ताणें फकत 12 वन डे आनी तीन टी-20 मॅचींनी भारताचें प्रतिनिधित्व केलां. वन डे क्रिकेटींत ताणें 26.09चे सरासरीन 287 धांवड्यो केल्यात. हातूंत एका शेंकड्याचो आस्पाव आसा. टी-20 क्रिकेटींत 15 चे सरासरीन पांच धांवड्यो केल्यात.
आयपीएलांत ताणें कोलकाता नायट रायडर्स, रायझींग पुणें सुपरजायण्ट्स आनी किंग्स इलेव्हन पंजाब ह्या पंगडांचें प्रतिनिधित्व केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
