भांगरभूंय | प्रतिनिधी
मनीसशास्त्र हें मनशाचो आनी ताच्या कामाचो अभ्यास करपी शास्त्र. नामनेचे ग्रीक पंडीत एरिस्टोटल हांणी ह्या शास्त्राचो उल्लेख केलो. तांणी अँथ्रोपाॅस आनी लोगोस ह्या दोन ग्रीक उतरां वयल्यान अँथ्रोपाॅलाॅजी म्हणल्यार मानवशास्त्र उतर तयार जालें. जेकब स्टर्न करोबर ह्या विद्वानान पसून हाची व्याख्या दिल्या, तातूंत हांव वचना. पूण तुमी ह्या विशयांत करियर करपाक शकतात. तेंय बी आॅनलायन पद्दतीन.
जम्मू काश्मीर राज्याचें नांव तुमकां खबर आसतलेंच. 370 कलम काडपाचो निर्णय आसूं वा काश्मीर फायल्स ह्या सिनेमाक लागून आसूं, श्रीनगरांतल्या पीएचडी जाल्ल्या एका मानवशास्त्राचो अभ्यास करीन दिसलो. ताका ते खातीर खूब त्रास जालो. आपणाक जे त्रास जाले, तशे दुसऱ्याक जावचे न्हय, म्हूम ताणें थंय स्वताची अकादेमी सुरू केली. आतां तो आॅनलायन सेवा सुरू केल्या. डाॅ. हस्मत हबीब अशें ताचें नांव.
मानवशास्त्राचो अभ्यास करपी विद्यार्थी दोन आंगांनी विचार करतात. शास्त्रीय आनी समाजीक नदरेन. युरोपीयन लोक पुराय संवसारांत फाफसले तेन्ना तांणी थंयच्या मनशांचो, थंयचे संस्कृतायांचो, मनशांच्या इतिहासाचो अभ्यास केलो. ताचें वाचन करपाक जाय. ताचो फायदो नागरी परिक्षा, संशोधन, नेट परिक्षा, जेआरएफ सारकी परिक्षा हाका उपेगी पडपाक शकता. हो विशय तसो लोकप्रीय ना. हेर करियरां जशीं सगल्यांक खबर आसा, तशें मानवशास्त्र हो विशय सगल्यांक खबर ना. पूण जांकां खबर आसा, ते तो शिकपाक चल्ले. तसो हो म्हत्वाचो विशय. कला फांट्याचे विद्यार्थी, जांकां इतिहासाची आवड आसा, ते मानवशास्त्राचे वाटेक वतात.
हाच्या अभ्यासा खातीर तुमकां आदलें साहित्य, पुराण, वेद, उपनिशद हांचो आदार घेवचो पडटलो. बारावी जाले उपरांत तुमी मानवशास्त्रांत पदवी, पदव्युत्तर शिकप घेवपाक शकतात. ह्या फांट्यांत वचपाक बरेच विद्यार्थी फाटीं फुडें जातात. कारण तांकां हाची म्हायती नासता. तशेंच तुमकां इतिहास खबर आसपाक जाय. विशय क्लिश्ट, कटकटीचो. कश्टाचो, चिकाटीचो. हाचो रोखडोच रिझल्ट मेळना. गोंयांत हाचें शिक्षण वास्कोचें बिट्स पिलानी, गोंय विद्यापीठ दिता. पूण तें सगल्यांत परवडटलें अशें ना. देखून हस्मत हबीब हांच्या आॅनलायन वर्गांत वचप फायद्याचें. हे वर्ग पयस श्रीनगराक आसात, तरी घरबसल्या शिकपाक मेळटा. तांचो नंबर आसा, 96226 19700. स्वता हस्मत डाॅक्टरेट घेवपाक अभ्यास करतालो, तेन्ना ताका खूब त्रास जालो. पुस्तकां, संदर्भ मेळप कठीण जातालें. देखून हांवें लोकांक मजत जावची म्हूण स्वताची अकादेमी सुरु केली. ताका लागून आतां युजीसी, नेट परिक्षा दिवपी विद्यार्थ्यांक बरें पडटा.
हो इतिहासाचो विशय. हातूंतल्यान मनशाचो इतिहास, ताची संस्कृताय कळपाक बरें जाता. तुमी काॅलेजींत हो विशय शिकोवपाक शकतात. पुलिसांकूय ह्या शास्त्राचो उपेग जाता. तशेंच सरकारी, खाजगी संग्रहालयांत पसून काम मेळपाक शकता. ह्या विशयांत संशोधनाचेर भर आशिल्ल्यान तुमकां भोंवडेर खंय वच्चें पडत, तें सांगपाक जायना.
ह्या शास्त्राच्या आदारान तुमकां तुमचो इतिहास कळटा. संस्कृताय कळपाक मजत जाता. hasmat [email protected] ह्या ईमेलाचेर तुमी चवकशी करपाक शकतात. ताणें अकादमी 2022 वर्सा सुरू केल्ली. ताची वेबसायट तो तयार करता. तो मेरेन तुमी ताचे कडेन फोनाचेर वा ईमेलाचेर संपर्क करूं शकता.
खाशेली गजाल म्हणल्यार तुमकां खंयची प्रवेश परिक्षा दिवपाक नाका. आॅनलायन कोर्स आशिल्ल्या कारणान तुमी घरांत बसून प्रवेश करपाक शकतात. सोबीया फयाज, मृणाल ठाकूर, मरियम जान, आयट रोबानी हे तांचे कांय यशस्वी विद्यार्थी. हे अकादमीक कोणाची मान्यताय आसा, सरकारान तांकां मान्यताय दिल्या, हें तुमी फोनाचेर विचारूं शकतात. बरेच जाण म्हजो धर्म, ग्रंथ सगल्यांत पोरणें म्हूण सांगतात, पूण खंयचें साहित्य वा धर्म आदलो तें तुमकां मनीसशास्त्राच्या अभ्यासा उपरांत कळटलें. चलात तर ह्या वर्गांत प्रवेश घेयात.
प्रा रामदास केळकार
9822583275
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
