भांगरभूंय | प्रतिनिधी
भारताची स्टार टेबल टॅनीस बायल खेळगडी मनिका बत्रान इतिहास घडयलो. तिणें आशियायी करंड टेबल टॅनीस सर्तींत कांश्या पदक जिखलें. हें पदक जिखपी ती भारताची पयली बायल टेबल टॅनीस खेळगडी थारली. कांश्या पदका खातीर जाल्ले मॅचींत तिणें संवसारीक क्रमवारींत सवे सुवातेर आशिल्ले हिना हयात हिका 4-2 अशा फरकांनी हारयली.
काल सकाळीं जाल्ले सेमी फायनलींत तिका चवथ्या सिडा वयले जपानाचे मिमा इतो कडल्यान 8-11, 11-7, 7-11, 6-11, 11-8 आनी 7-11(2-4) अशा फरकांनी हार घेवची पडिल्ली. ते उपरांत कांश्या पदका खातीर तिचे आनी हिना हयात हिका हारोवन कांश्या पदक आपल्या नांवार केलें.
तिचे पयलीं भारताचो चेतन बबूर दादल्यांच्या एकोड्या गटांतले सेमी फायनलींत आनी उपरांत फायनलींत पाविल्लो.
2013 सावन हे सर्ती वरवीं खेळगडे संवसारीक टेबल टॅनीस सर्ती खातीर पात्रताय मेळयतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
