भांगरभूंय | प्रतिनिधी
भोपाल, खबरां संस्था: मध्य प्रदेशांतल्या शहडोलच्या डॉमिनोज कंपनीच्या पिझ्झांत स परस चड जल्ले भोंवतना दिसले. ह्या प्रकरणांत जेवण आनी सुरक्षा अधिकार्यां कडेन कागाळ केल्ली.
शहडोल सीएसपी महेंद्र सिंह हांचो पूत ब्रिजेंद्र सिंह हांणी सोमारा रातीं डोमिनोज पिझ्झा आनी हेर कांय जेवणाचे जिन्नस ऑनलायन ऑर्डर केल्ले. कांय वेळान डिलिव्हरी बॉयान तांच्या घरा सामान पावयलें. ब्रिजेंद्र सिंह हांणी सांगलें, जेन्ना तांणी पिझ्झा बॉक्स उघडलो, तेन्ना तातूंत ६ परस चड जल्ले भोंवतना दिसले.
हे घडणुके उपरांत, ब्रिजेंद्र रोखडोच डोमिनोजच्या दुकानांत पावलो. जेन्ना तांणी पिझ्झा आनी जल्ले दाखयले, तेन्ना थंयच्या कर्मचार्यांनी आपली चूक मान्य केली. तशेंच पयशे परत दिवन दुसरो पिझ्झा दिवपाची ऑफर दिली, ब्रिजेंद्र हांणी तांच्यो दोनूय ऑफरी न्हयकारच्यो.
अन्न सुरक्षा अधिकार्यांकडेन कागाळ
रात आशिल्ल्यान ब्रिजेंद्र हांकां तेन्नाच अधिकार्यांकडेन कागाळ करपाक मेळ्ळी ना. मंगळारा सकाळीं तांणी अन्न आनी सुरक्षा अधिकार्यां कडेन फोना वेल्यान संपर्क केलो आनी हे विशींची कागळ दाखल केली. मुखेल वैजकी आनी भलायकी अधिकारी डॉ. राजेश मिश्रा हांणी, तांकां ह्या प्रकरणाची म्हायती मेळ्ळ्या अशें सांगून तांणी तरणाट्या कडल्यान लेखी कागाळ मागल्या आनी चवकशे उपरांत कारवायेचें आस्वासन दिलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
