भांगरभूंय | प्रतिनिधी
छतरपुर, खबरां संस्था: मध्यप्रदेशांतल्या छतरपुरांत भाविकांनी भरिल्ले ऑटोन ट्रकाक धपको दिलो. ह्या अपघातांत ७ जाणांक मरण आयलें. जाल्यार ६ जाण जखमी जाले. ४ जणांची भलायकी हुस्क्याची आसा. तांकां ग्वाल्हेराक व्हेल्यात. हे सगले बागेश्वर बाबाच्या आश्रमांत वताले.
अपघात राष्ट्रीय महामार्ग- ३९ चेर कडारी लागसारा मंगळारा फांतोडेर ५ वरांचेर घडलो. महोबा रेल्वे स्टेशना वेल्यान १३ भावीक ऑटोन बागेश्वर धामाक वताले. मजगतीं, चालक न्हिदलो आनी मुखार आशिल्ल्या म्हाल येरादारी ट्रकाक ताचो धपको बसलो. दोनूय वाहनां वेगान आशिल्लीं. ट्रकान अचकीत ब्रेक मारलो काय रिक्षान ताका फाटल्यान धपको दिलो, ताचो तपास पुलीस करतात. हे सगले भावीक उत्तरप्रदेशांतल्या फरुखाबाद गांवांतले. मरण आयिल्ल्यां मदीं एका देड वर्सांच्या भुरग्याचो आस्पाव आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
