भांगरभूंय | प्रतिनिधी
सिवनी, खबरां संस्था: मध्य प्रदेशांतल्या सिवनी जिल्ह्यांतल्या आमगांव हांगा एक प्रशिक्षणार्थी विमान ३३ केव्ही उच्च दाबाच्या लायटीच्या सरयांक आपटून कोसळ्ळें. हो अपघात सांजेवेळार सुमार साडे स वरांचेर जालो. प्रशिक्षक पायलट अजित अँथनी आनी प्रशिक्षणार्थी पायलट अशोक छावडा जखमी जाल्यात. तशेंच, ते दोगूय बरे आसात अशें सांगलां.
हे विशीं मेळिल्ले म्हायती प्रमाण, सुकतरा हवाई पट्टीतल्यान उड्डाण केले उपरांत प्रशिक्षणार्थी विमान परत देंवपाचे तयारेंत आशिल्लें. हाचे मजगतीं, बादलपार उपकेंद्राच्या ३३ केव्ही सरयांच्या सकयल्या भागाक विमानाचो पंखो आपटलो. धपको लागतांच व्हड स्फोट जालो आनी सरयांतल्यान किटायो भायर पडपाक लागल्यो. धपको दिले उपारांत विमान शेतांत कोसळ्ळें. लायटीची सरी रोखडीच ट्रिप जाली, हाका लागून व्हड घडणूक जावपाक पसून वाटवली.
स्फोटाचो आवाज आयकून ग्रामस्थ घडणुके सुवातेर पावले. वीज कंपनीच्या कर्मचार्यांक फोन केलो. ग्रामस्थांनीच दोनूय पायलटांक बेगोबेग हॉस्पिटलांत पावयले.
मध्य प्रदेश पूर्व क्षेत्र लायट वितरण कंपनीचे कार्यकारी अभियंता सुभाष राय हांणी सांगलें, लायटीच्यो सरयो तुटिल्ल्यान बादलपार आनी ग्वारी उपकेंद्र वाठारांतल्या सुमार ९० गांवांनी लायट गेल्या. कर्मचारी दुरुस्तीचें काम करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
