भांगरभूंय | प्रतिनिधी
भोपाल : बुहारा- दतिया गांवांत अनियंत्रीत ट्रक न्हंयेंत पडून ट्रकांतल्या 10 जाणांक मरण आयलें आनी 30 परस चड जखमी जाल्ल्याची म्हायती मेळ्ळ्या. हे सगळे लोक ट्रकांतल्यान लग्न सुवाळ्याच्यान परतून येताले.
मेळिल्ले म्हायती प्रमाण, बुहारा न्हंयेंत ट्रक पडला अशी म्हायती मेळटकूच गांवचे लोक मजती खातीर थंय पावले आनी बचावकार्य सुरू केलें. हे विशीं गांवकारांनी प्रशासनाक म्हायती दिली. ती मेळ्ळे बरोबर जिल्लो प्रशासन, पुलीस आनी थळावे लोकप्रतिनिधी थंय पावले. न्हंयेंत पडिल्ल्या लोकांक वाटावपा खातीर ते उदकांत देंवले. जखमींक हॉस्पिटलांत दाखल केल्यात. सध्या मेल्ल्या आनी जखमींची वळख अजून पटूंक ना.
सगले लोक टीकमगडतल्या जटारा हांगा लग्न सुवाळ्याच्यान परतून येताले. गृहमंत्री नरोत्तम मिश्रान बचाव काम नेटान करपाच्यो सुचोवण्यो दिल्यात. बळी पडपी कुटुंबांक शक्य तितली मजत दिवपाची सुचोवणी गृहमंत्र्यान दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
